Si Lucy Morley ug ang Iyang Pamilya

Usa ka adlaw, ang 15 anyos nga si Lucy Morley nagtabang sa iyang silingan, nga si Abigail Daniels, pag-lala og panapton. Samtang nagtrabaho sila, nakadungog sila og tutok sa pultahan. Ang tulo ka misyonaryo kadto. Gidapit sila ni Abigail sa pagsulod. Miingon sila nga si Jesukristo mipadala nila aron mopakigbahin og mensahe.

Mga Santos, 1:116-17

Gisultihan sa mga lalaki si Abigail ug Lucy nga gitawag ni Jesus si Joseph Smith nga mahimong usa ka propeta. Gisultihan usab nila sila mahitungod sa Basahon ni Mormon.

Mga Santos, 1:117

Sa katingala ni Lucy, nasuko si Abigail. Iyang gipabiya ang mga misyonaryo sa iyang balay .

Mga Santos, 1:117

Nasayod si Lucy nga kini nga mga misyonaryo mga sulugoon sa Dios. Gisultihan niya sila nga bisitahan ang iyang pamilya sa unahan sa dalan. “Ang akong papa nagpuyo mga usa ug tunga ka kilometro gikan dinhi,” miingon siya. “Adto mo didto kay pakan-on ug atimanon mo.”

Mga Santos, 1:118

Sakto si Lucy. Ang mga misyonaryo nakakaon og maayo sa umahan sa pamilyang Morley. Ang mga ginikanan ni Lucy mga higala ni Sidney Rigdon. Mituo sila nga si Jesus gusto nga ipakigbahin nila ang ilang tanang kabtangan ngadto sa uban. Gidapit nila ang mga misyonaryo sa pagtudlo nila ug sa ilang mga higala.

Mga Santos, 1:118-19

Nianang gabhiona, mga tungang gabii, 17 ka tawo ang nabunyagan. Sa misunod nga pipila ka adlaw, 50 pa ka dugang tawo miadto sa uma sa mga Morley aron maminaw sa mga misyonaryo, ug mihangyo sila nga bunyagan. Bisan ang higala ni Lucy nga si Abigail Daniels miusab sa iyang hunahuna mahitungod sa mga misyonaryo. Siya ug ang iyang bana nakahukom nga mopasakop sa Simbahan.

Mga Santos, 1:119; Doktrina ug mga Pakigsaad 20:25, 37