Mga Istorya sa Kasulatan
Ang Simbahan ni Jesukristo Naorganisar

“Ang Simbahan ni Jesukristo Naorganisar,” Mga Istorya sa Doktrina ug mga Pakigsaad (2024)

“Ang Simbahan ni Jesukristo Naorganisar,” Mga Istorya sa Doktrina ug mga Pakigsaad

Abril 1830

2:37

Ang Simbahan ni Jesukristo Naorganisar

Usa ka malipayon nga miting sa Simbahan

Si Joseph Smith nga nag-abiabi sa mga tawo didto sa panimalay sa Whitmer alang sa unang miting sa Simbahan.

Ang Basahon ni Mormon naimprinta na, ug ang gahom sa pagkapari sa Dios ania na usab sa yuta. Ang Ginoo misulti ni Joseph Smith nga panahon na nga iorganisar ang Simbahan ni Jesukristo.

Mga Santos, 1:95

Ang katawhan miisa sa ilang mga kamot aron sa pagpaluyo ni Joseph ug Oliver isip mga lider sa Simbahan.

Niadtong Abril 6, 1830, mga 40 ka babaye ug lalaki miadto sa panimalay sa pamilyang Whitmer aron sa pag-organisar sa Simbahan. Ang Ginoo mitawag ni Joseph ug Oliver sa pagpangulo sa Iyang Simbahan. Mihangyo si Joseph ug Oliver sa mga tawo sa pagpataas sa ilang mga kamot aron sa pagpakita nga mipaluyo sila kanila isip ilang mga lider.

Doktrina ug mga Pakigsaad 20:1–3; Mga Santos, 1:95

Ang bag-ong mga miyembro sa Simbahan malipayong miambit sa sakramento.

Sunod, gipanalanginan ni Joseph ug Oliver ang sakramento. Gihatag nila kini sa mga tawo aron pagtabang nila nga mahinumdom ni Jesukristo. Mipandong si Joseph ug Oliver sa ilang mga kamot sa mga ulo sa mga tawo nga nabunyagan. Gikompirmahan nila sila nga mga miyembro sa Simbahan ug gihatagan sila sa gasa sa Espiritu Santo.

Doktrina ug mga Pakigsaad 20:75–79; Mga Santos, 1:96

Si Joseph nga nagtudlo sa bag-ong mga miyembro sa Simbahan.

Ang Ginoo mihatag ni Joseph og mensahe alang sa bag-ong Simbahan. Gisultihan niya sila sa pagsulat unsay nahitabo sa Simbahan. Miingon siya nga si Joseph Smith Iyang propeta. Gisaaran Niya ang mga miyembro sa Simbahan nga kon mosunod sila sa mga sugo nga gihatag Niya ni Joseph, mopanalangin Siya kanila. Ang yawa walay gahom kanila.

Doktrina ug mga Pakigsaad 21:1–6; Mga Santos, 1:95

Naggakos si Joseph Smith ug ang iyang amahan.

Ang mga tawo malipayon kaayo nga adunay Simbahan ni Jesukristo! Human sa miting, daghang tawo ang nabunyagan, lakip sa inahan ug amahan ni Joseph. Sa dihang mihaw-as ang iyang amahan gikan sa tubig, si Joseph migakos kaniya. “‘Nakita nako ang akong amahan nga nabunyagan sa tinuod nga simbahan ni Jesukristo!” miingon siya.

Mga Santos, 1:97

Gibati ni Joseph nga mapasalamaton kaayo nga nakatabang sa pagpahiuli sa Simbahan.

Unya nianang pagkagabii, miadto si Joseph sa kakahoyan aron mag-inusara. Ang iyang kasingkasing puno sa hingpit nga kalipay. Napulo na ka tuig sukad dihang una niyang nakita ang Langitnong Amahan ug si Jesukristo. Daghan na kaayo ang nahitabo sukad niadto. Mapasalamaton kaayo si Joseph nga makatabang siya sa pagpahiuli, o pagdala og balik, sa Simbahan ni Jesukristo!

Mga Santos, 1:97