Mga Saksi Nakakita sa mga Palid sa Basahon ni Mormon

Sila si Joseph, Emma, ug Oliver padayong mihubad sa bulawang mga palid sa panimalay sa Smith sa Pennsylvania. Apan ang mga tawo sa ilang lungsod gustong mopahunong nila. Si Oliver adunay usa ka higala nga ginganlan og David Whitmer nga nagpuyo sa New York. Gihangyo ni Oliver si David kon pwede ba silang mobalhin ngadto sa pamilya ni Whitmer aron humanon ang paghubad.

Mga Santos, 1:68

Si David ug ang iyang pamilya miuyon. Ilang giabi-abi sila si Joseph, Emma, ug Oliver sa ilang panimalay. Karon mahimo na silang magtrabaho sa paghubad nga malinawon. Adunay daghang tawo nga nagpuyo sa panimalay sa mga Whitmer. Kana nagpasabot nga dunay daghang trabaho nga buhaton, ilabi na sa inahan ni David, si Mary.

Mga Santos, 1:68–70

Usa ka adlaw, samtang si Mary nagtrabaho, ang anghel nga si Moroni mibisita kaniya. Miingon siya nga siya nasayod sa tanang dugang pa nga trabahoon nga nakapaluya kaniya. Gusto niya nga palig-onon ang iyang pagtuo. Giablihan niya ang usa ka bag ug gikuha ang bulawang mga palid. Iyang gipakli ang mga palid ug gipakita si Mary sa sinulat. Misaad siya ni Mary nga siya mapanalanginan.

Mga Santos, 1:70–71

Ang ubang mga tawo wala motuo nga ang mga palid tinuod. Si Joseph mituman sa sugo sa Ginoo nga dili ipakita ang mga palid ngadto ni bisan kinsa. Miingon ang Ginoo nga Iyang tugotan ang tulo pa ka saksi nga makakita sa mga palid. Si David Whitmer, Martin Harris, ug si Oliver Cowdery mihangyo kon sila pwede bang mahimo nga mga saksi. Ang Ginoo miingon nga sila pwede.

Doktrina ug mga Pakigsaad 5:11–12; 17; Mga Santos, 1:81

Sila si Joseph, Martin, Oliver, ug si David nangadto sa kakahoyan. Nangluhod sila ug puli-puli nga naghangyo sa Dios kon sila mahimo ba nga makakita sa mga palid, apan walay nahitabo.

Mga Santos, 1:81

Si Martin Harris mibati nga siya ang hinungdan nga wala matubag ang ilang pag-ampo. Mibiya si Martin, ug ang uban padayon nga nag-ampo.

Mga Santos, 1:81

Dayon mipakita ang anghel diha sa usa ka sanag nga kahayag. Gipakita niya kang Oliver ug David ang bulawang mga palid ug ang sinulat niini. Nadungog nila ang tingog sa Dios nga nag-ingon nga gihubad ni Joseph ang mga palid pinaagi sa gahom sa Dios ug nga sakto ang paghubad. Miingon usab ang Dios nga kinahanglan nilang isulti sa tanan kon unsa ang ilang nakita ug nadungog.

“Ang Pagpamatuod sa Tulo ka mga Saksi”; Mga Santos, 1:81–83

Milakaw si Joseph aron pangitaon si Martin. Nag-ampo pa gihapon siya. Si Joseph nag-ampo uban niya. Dayon ang anghel mitungha ug mipakita sa mga palid ngadto ni Martin, sama sa iyang gibuhat nila ni Oliver ug David.

Mga Santos, 1:82

Sunod, miadto si Joseph aron pangitaon ang iyang mga ginikanan, nga mibisita ni Mary Whitmer. Giingnan niya sila kon unsa siya ka malipayon nga ang ubang tawo nakakita sa mga palid. Karon ang mga saksi mahimong moistorya sa mga tawo nga si Joseph nagsulti sa tinuod. Gisugilon ni Martin sa tanan kon unsa siya ka malipayon nga ang Dios mitugot kaniya nga mahimong usa sa mga saksi.

Mga Santos, 1:82–83

Pipila ka adlaw ang milabay, ang Ginoo misulti ni Joseph sa pagpakita sa bulawang mga palid ngadto sa dugang walo pa ka mga tawo—iyang amahan, duha sa iyang mga igsoong lalaki, upat sa mga igsoong lalaki ni David, ug bayaw nga lalaki ni David. Kinahanglan nga makagunit sila sa mga palid ug makapakli sa mga pahina. Nasayod sila nga ang mga palid tinuod.

“Ang Pagpamatuod sa Walo ka mga Saksi””; Mga Santos, 1:83

Ang hubad sa Basahon ni Mormon nahuman na. Gibalik na ni Joseph ang bulawang mga palid ngadto ni anghel Moroni. Karon panahon na sa pagprinta og mga kopya sa basahon aron ang tanan makabasa niini ug makat-on pa mahitungod ni Jesukristo.

Mga Santos, 1:83–84

Dako ang gasto sa pagprinta sa Basahon ni Mormon. Si Martin Harris mibaligya og usa ka bahin sa iyang uma aron ibayad niini. Gibuhat niya kini tungod kay nakahibalo siya nga ang Basahon ni Mormon tinuod. Ang matag kopya sa basahon adunay pagpamatuod ni Martin ug sa ubang mga saksi aron mabasa sa tanan. Ang mga saksi wala gayod molimod sa ilang pagpamatuod.

Doktrina ug mga Pakigsaad 19:26–27, 34–35; Mga Santos, 1:76–78