Bilanggoan sa Liberty

Pagpangita sa Ginoo atol sa lisod nga mga panahon

Mga sundalo nga migukod sa mga Santos sa Missouri palayo sa ilang mga panimalay.

Daghang tawo nga nagpuyo sa Missouri wala makagusto sa mga Santos. Ang gobernador mipadala og mga sundalo aron pabiyaon sila. Ang mga sundalo migukod sa mga Santos gikan sa ilang mga panimalay, mikawat sa mga butang gikan sa ilang mga balay, ug gipasakitan ang kadaghanan kanila.

Mga Santos, 1:403–404, 411, 412

Mga sundalo nga miaresto ni Joseph Smith ug sa ubang mga lider sa Simbahan.

Ang mga sundalo miaresto sa Propeta nga si Joseph Smith ug sa ubang mga lider sa Simbahan.

Mga Santos, 1:406

Anak ni Joseph Smith nga naghilak samtang si Joseph gipalayo isip usa ka binilanggo.

Nangamuyo si Joseph nga maistorya niya sa pribadong paagi ang iyang pamilya. Mibalibad ang mga sundalo. Gidala nila palayo si Joseph ug uban pang mga binilanggo.

Mga Santos, 1:416-17

Si Joseph nga mibadlong sa mga tigbantay sa paghunong sa pag-istoryahanay.

Usa ka gabii, si Joseph ug ang ubang mga binilanggo naminaw samtang ang ilang mga tigbantay nangatawa mahitungod sa dautang mga butang nga ilang nabuhat ngadto sa mga Santos. Si Joseph wala na makaantos og dugay sa pagpaminaw niini. Mibarog siya ug misinggt, “Paghilom!” Namulong siya uban sa gahom sa Dios. Ang mga tigbantay nahadlok. Ang mga gwardiya nangayo og pasaylo ug mihunong sa pag-istoryahanay.

Mga Santos, 1:418–19

Si Joseph ug iyang mga higala sa Bilanggoan sa Liberty.

Unya, si Joseph ug ang iyang mga higala gibutang sa usa ka bilanggoan sa lungsod nga gitawag og Liberty. Ang bilanggoan tugnaw kaayo, gamay, ug ngitngit. Sila adunay pipila lamang ka hugaw nga uhot nga katulgan. Adunay diyotay lamang nga pagkaon, ug maoy hinungdan nga nagkasakit sila.

Mga Santos, 1:419–20, 424, 437–38

Si Joseph nga nabalaka mahitungod sa mga Santos.

Si Joseph naghunahuna og maayo bahin sa mga Santos. Gimahal niya sila. Nabalaka siya mahitungod kanila. Apan wala siyay bisan unsa nga mahimo sa pagtabang kanila.

Mga Santos, 1:438–39

Si Joseph Smith nga nag-ampo sulod sa Bilangoan sa Liberty.

Nag-ampo pag-ayo si Joseph. Nangutana siya sa Dios kon asa na Siya ug ngano nga Siya wala motabang sa mga Santos. Nakalimot ba ang Dios kaniya ug sa Simbahan?

Doktrina ug mga Pakigsaad 121:1–6

Si Joseph nga nakadawat og tubag sa iyang pag-ampo.

Gitubag sa Dios ang pag-ampo ni Joseph. Miingon Siya, “Akong anak, kalinaw nganha sa imong kalag.” Gisultihan sa Dios si Joseph nga ang iyang mga kasakitan dili molungtad sa kahangtoran ug nga kini alang sa iyang kaayohan. Ang Dios mipahinumdom ni Joseph nga si Jesukristo miantos og labaw pa nga mga kasakit. Misaad Siya nga magauban Siya ni Joseph “hangtod sa kahangtoran.”

Doktrina ug mga Pakigsaad 121:7; 122:5–9