Usa ka Misyon ngadto sa Lumad nga mga Amerikano

“Usa ka Misyon ngadto sa Lumad nga mga Amerikano,” Mga Istorya sa Doktrina ug mga Pakigsaad (2024)

“Usa ka Misyon ngadto sa Lumad nga mga Amerikano,” Mga Istorya sa Doktrina ug mga Pakigsaad

Oktubre 1830–Enero 1831

1:33

Usa ka Misyon ngadto sa Lumad nga mga Amerikano

Ang mga Indian sa Delaware nakadungog sa ebanghelyo

Si Parley Pratt, Oliver Cowdery, ug ubang misyonaryo mibisita sa panimalay sa usa ka Indian sa Delaware.

Wala madugay human si Parley Pratt gibunyagan, ang Ginoo mitawag kaniya nga mouban ni Oliver Cowdery ug sa uban alang sa usa ka misyon. Gusto Niya nga sila mosangyaw sa ebanghelyo ngadto sa Lumad nga mga Amerikano. Ang mga misyonaryo mibiyahe sulod sa daghang semana agi sa lawom nga niyebe. Sa kataposan, ilang nahimamat si Kikthawenund, ang hepe sa mga Indian sa Delaware.

Doktrina ug mga Pakigsaad 28:14; 30:5–6; 32; Mga Santos, 1:111, 115

Si Oliver ug Parley mipakigbahin sa mensahe sa Basahon ni Mormon.

Ang hepe mahigalaon ngadto sa mga misyonaryo. Iyang gidapit ang iyang mga higala nga maminaw sa ilang mga mensahe. Miingon si Oliver nga siya ug si Parley mibiyahe og layo aron dad-an sila og Basahon ni Mormon. Nagsugilon kini bahin sa mga tawo nga nagpuyo sa Amerika sa dugay na nga panahon. Gusto sa Dios nga sila mopakigbahin sa basahon aron ang tanan masayod bahin ni Jesukristo.

Mga Santos, 1:130–33

Si Oliver mihatag og kopya sa Basahon ni Mormon ngadto ni Kikthawenund.

Si Oliver mihatag ni Kikthawenund og kopya sa Basahon ni Mormon. Mapasalamaton kaayo siya nga si Oliver ug iyang mga higala nakaabot og layo aron ipakigbahin kini ngadto sa iyang katawhan. Iyang gisultihan si Oliver ug Parley nga gusto niya nga mobalik sila aron mobasa ngadto kanila ug motudlo kanila og dugang mahitungod sa Basahon ni Mormon.

Mga Santos, 1:130–33