Si Joseph ug si Hyrum Mihatag sa Ilang Kinabuhi alang sa Ebanghelyo

“Si Joseph ug si Hyrum Mihatag sa Ilang Kinabuhi alang sa Ebanghelyo,” Mga Istorya sa Doktrina ug mga Pakigsaad (2024)

“Si Joseph ug si Hyrum Mihatag sa Ilang Kinabuhi alang sa Ebanghelyo” Mga Istorya sa Doktrina ug mga Pakigsaad

Marso–Hunyo 1844

3:22

Si Joseph ug si Hyrum Mihatag sa Ilang Kinabuhi alang sa Ebanghelyo

Namatay ang Propeta, apan ang buhat sa Ginoo nagpadayon

Gihatag ni Joseph Smith ang mga yawe sa pagkapari ngadto sa Apostoles sa Simbahan.

Nabalaka si Joseph Smith. Unsay mahitabo sa Simbahan kon mamatay siya? Gusto niyang maseguro nga magpadayon ang buhat sa Ginoo. Mao nga gipundok niya ang Apostoles ug gihatag kanila ang mga yawe sa pagkapari nga gihatag ni Jesukristo kaniya. Kini nagpasabot nga ang mga Apostoles makagiya sa Simbahan sa Ginoo ug makahimo sa Iyang buhat. Nakatabang kini ni Joseph nga moarang-arang ang pagbati.

Mga Santos, 1:590–91

Usa ka talan-awon sa Nauvoo nga nagpakita sa ubang tawo nga nasuko ni Joseph.

Apan dihay daghang tawo nga nasuko ni Joseph. Ang uban gusto gani nga mopatay kaniya. Wala sila makagusto kon unsa ang iyang gitudlo. Nagsulat sila bahin niya pinaagi sa mantalaan aron maglagot og samot ang mga tawo ni Joseph ug sa Simbahan. Ang uban gusto nga mosulong sa Nauvoo.

Mga Santos, 1:598–01, 603–05, 606–07

Si Joseph ug ang ubang mga lider didto sa Nauvoo miguba sa printahanan sa mantalaan aron mahunong ang pagsabwag sa kalagot. Nakapasuko kini og samot sa mga tawo. Gisugo si Joseph sa gobernador sa pag-adto sa siyudad sa Carthage aron adunay huwes nga makahukom kon nakasala ba siya sa balaod. Nahibalo si Joseph nga kon moadto siya sa Carthage, patyon siya sa mga tawo.

Doktrina ug mga Pakigsaad 135:4; Mga Santos, 1:606–10, 612–15

Si Joseph nanamilit sa iyang pamilya ug mibiya aron moadto sa Carthage.

Apan gusto usab ni Joseph nga mahimong luwas sa peligro ang mga Santos. Kon moadto siya sa Carthage, tingali pasagdan na sa mga tawo ang mga Santos didto sa Nauvoo. Nakahukom si Joseph nga moadto. Iyang gipanalanginan si Emma ug ang iyang mga anak, mihalok kanila og panamilit, ug mibiya aron moadto sa Carthage.

Mga Santos, 1:616–19

Ang igsoong lalaki ni Joseph nga si Hyrum mikuyog niya. Mao usab si John Taylor, Willard Richards, ug ubang mga higala. Samtang mibiya sila, gipahunong ni Joseph ang iyang kabayo ug milingi sa Nauvoo. “Mao kini ang labing maanindot nga dapit ug ang labing maayo nga mga tawo ubos sa langit,” misulti siya.

Mga Santos, 1:617–20

Usa ka talan-awon gikan sa Bilanggoan sa Carthage: Si Hyrum nagbasa sa Basahon ni Mormon ug si Joseph nagsangyaw ngadto sa mga gwardiya.

Sa dihang miabot sila sa Carthage, gipriso sila. Samtang didto sila sa prisohan, gibasahan sila ni Hyrum gikan sa Basahon ni Mormon. Gisultihan ni Joseph ang mga gwardiya nga tinuod ang Basahon ni Mormon.

Mga Santos, 1:621

Aron mahupay ang iyang mga higala, mikanta si John Taylor og usa ka himno mahitungod ni Jesus. Nindot kadto, ug mihangyo si Hyrum niya nga mokanta og usab.

Mga Santos, 1:624

Usa ka pundok sa manggugubot misulod sa prisohan.

Sa kadugayan nianang adlawa, may masuk-anon nga mga lalaki nga nagdala og mga pusil ang misulong sa prisohan. Midasmag sila sa pultahan ug misugod sa pagpusil ngadto sa kwarto diin anaa didto si Joseph ug ang iyang mga higala. Si John Taylor grabe nga nasamdan. Si Hyrum ug si Joseph napatay.

Doktrina ug mga pakigsaad 135:1–2; Mga Santos, 1:625–27

Mga santos nagsubo sa kamatayon ni Joseph ug Hyrum.

Naguol kaayo ang mga Santos sa dihang nahibaloan nila nga namatay si Joseph ug si Hyrum. Apan nahibalo sila nga ang pagpatay sa Propeta dili makahunong sa Simbahan. Kini mao ang Simbahan sa Manluluwas, ug magpadayon Siya sa pagpangulo niini. Ang Simbahan magpadayon sa pagtubo ug sa pagpanalangin sa mga anak sa Dios sa tibuok kalibotan.

Mga Santos, 1:628–35