Ang Kampo sa Israel

Ang mga Santos kinsa nanimuyo sa Independence, Missouri, nagkinahanglan og tabang. Naningkamot sila og maayo sa pagtukod sa Zion sama sa gihangyo sa Dios. Apan ang ubang mga tawo sa lungsod dili gusto nga anaa sila didto. Ilang gipabiya ang mga Santos sa ilang panimalay.

Mga Santos, 1:222

Si Joseph Smith nagpuyo sa Kirtland. Siya nakadungog sa unsay nahitabo sa mga Santos sa Missouri, ug siya naguol. Siya nag-ampo aron masayod unsay buhaton. Ang Ginoo misugo kang Jose sa pagpangita og mga tawo nga mouban kaniya ngadto sa Missouri. Milaom sila nga ang gobyerno motabang sa mga Santos nga ilang mabawi ang ilang mga panimalay.

Doktrina ug mga Pakigsaad 103:1–2, 11–20, 30–34; Mga Santos, 1:222–23

Mga 100 ka tawo ang miboluntaryo sa pag-uban kaniya. Ang Propeta mitawag niini nga grupo nga Kampo sa Israel. Sila mahinamon nga moadto aron sa pagtabang sa mga Santos sa Missouri.

Mga Santos, 1:225–27

Si Brigham Young ug iyang higala si Heber Kimball apil sa grupo. Ang usa ka batan-ong lalaki nga ginganlan og Wilford Woodruff miabot gikan pa sa New York aron sa pagtabang.

Mga Santos, 1:224–25

Mas daghang tawo ang miapil sa kampo. Sila nagmartsa sa tibuok bulan ug mitabok sa lapad nga suba ngadto sa Missouri. Sila gikapoy ug gipangluthan. Ang taas kaayo nga pagbaktas mihimo usab sa pipila ka tawo nga mobati og kasagmuyo. Taas pa gihapon sila og agian aron makaabot sa siyudad sa Independence.

Mga Santos, 1:228–229

Samtang sila nagbaktas, adunay usa ka babaye ang nanawag nila. Siya misulti nga adunay pipila ka lalaki nga nagpadulong aron sa pagpatay kanila.

Mga Santos, 1:232

Ang Kampo sa Israel nagkampo niana nga gabii sa usa ka bungtod ibabaw sa usa ka suba. Samtang gipahimutang nila ang ilang kampo, lima ka lalaki nga nagsakay og mga kabayo miduol kanila. Ilang gipanghambog nga sobra sa 300 ka lalaki ang nagpaingon aron atakehon ang kampo. Daghang mga sakop sa Kampo sa Israel ang nabalaka. Si Joseph misulti kanila sa pagbaton og pagtuo nga tabangan sila sa Dios.

Mga Santos, 1:232

Sa wala madugay midagtom ang langit. Misugod sa pagbunok ang kusog nga ulan. Ang tubig sa suba nagkaanam og kalawom. Gihuros sa kusog nga hangin ang mga kahoy. Ang mga kilat mibadlis sa kalangitan. Si Joseph ug ang uban nakakaplag og usa ka gamay nga simbahan diin sila mahimong luwas. Nanag-awit sila og mga himno sa tibuok gabii. “Ang Dios anaa niining unos!” Si Joseph miingon.

Mga Santos, 1:232–233

Ang unos mipugong sa mga tawo kinsa gusto nga moatake nila. Ang kampo luwas na. Apan ang gobyerno miingon nga dili sila motabang sa mga Santos. Ang Ginoo misulti ngadto ni Joseph nga ang Kampo sa Israel mahimo nang manguli sa panimalay. Ang mga Santos kinahanglan nga motukod sa Zion pinaagi sa pagtuman sa mga sugo sa Dios. Siya misaad nga Siya “makig-away sa mga gubat sa Zion.”

Doktrina ug mga Pakigsaad 105:1–19; Mga Santos, 1:234–35

Ang ubang sakop sa kampo nasagmuyo dihang nabati nila kini. Sila naguol nga wala sila makig-away alang sa Zion. Pipila ka katawhan naghunahuna nga ang Kampo sa Israel napakyas. Apan ang uban, sama nila Brigham Young, Heber, and Wilford, mapasalamaton sa kahigayonan nga gikauban si Propeta Joseph ug nakakat-on gikan Kaniya.

Mga Santos, 1:234–35

Sa wala madugay, ang Ginoo misulti ni Joseph Smith nga motawag og Dose ka Apostoles aron sa pagtabang sa pagpangulo sa Iyang Simbahan. Ang mga Apostoles mao ang espesyal nga mga saksi sa pangalan ni Jesukristo sa tibuok kalibotan. Walo sa Dose ka Apostoles nakamartsa uban sa Kampo sa Israel. Ang pagserbisyo uban ni Joseph nakatabang nila nga maandam alang niini nga calling.

Doktrina ug mga Pakigsaad 18:26–27; 107:23; Mga Santos, 1:241–42