“Hawn’s Mill,” Mga Istorya sa Doktrina ug mga Pakigsaad (2024)
“Hawn’s Mill,” Mga Istorya sa Doktrina ug mga Pakigsaad
Oktubre 1838–Pebrero 1839
Hawn’s Mill [Galingan sa mga Hawn]
Usa ka Pag-atake ug Usa ka Milagro
Si Willard Smith 11 anyos pa. Ang iyang pamilya nagpuyo sa Galingan sa mga Hawn, Missouri, kauban ang ubang Santos. Gusto nila nga magpundok sa dili madugay uban sa mga Santos sa Far West.
Doktrina ug mga Pakigsaad 115:7–8; Mga Santos; 1:394–95
Usa ka adlaw, kauban ni Willard ang iyang amahan ug mga igsoong lalaki, si Sardius ug si Alma. Sa kalit lang, nakadungog sila og mga buto ug mga singgit. Ang mga tawo naabot aron sa pag-atake sa mga Santos.
Mga Santos, 1:394–95
Ang tanan nanagan sa pagpangita og luwas nga dapit. Daghang mga lalaki ug kabataan ang nanago sa pandayanan. Ang amahan ni Willard ug iyang mga igsoong mga lalaki misulod usab didto, apan si Willard nabulag gikan nila. Mitago siya sa luyo sa gipatong-patong nga mga kahoy. Nakadungog siya og mga buto palibot kaniya.
Si Williard nagdagan gikan sa usa ka dapit ngadto sa laing dapit aron sa pagtago. Sa kataposan, ang mga buto mihunong. Ang mga miatake mibiya na sa Hawn’s Mill.
Mga Santos, 1:401
Si Willard nga miadto sa pandayanan nakakita sa iyang pamilya. Ang iyang amahan ug si Sardius gipatay. Apan ang manghod nga igsoon ni Willard nga si Alma buhi pa.
Mga Santos, 1:401
Si Alma napusilan sa iyang bat-ang. Grabe ang iyang pagkaigo. Gisapwang ni Willard si Alma ug gidala siya ngadto sa tolda sa ilang pamilya.
Mga Santos, 1:402–403
Ang inahan ni Williard, si Amanda wala masayod unsay buhaton aron matabangan ang bat-ang ni Alma. Apan nasayod siya nga ang Dios nahibalo. Nag-ampo siya, ug iyang nadungog ang usa ka tingog nga mimando kaniya unsa gayod ang iyang buhaton.
Mga Santos, 1:404
Si Amanda mihugas sa samad ni Alma gamit ang mga abo. Dayon nagdukdok siya og mga gamot sa kahoy ug gihampol kini sa iyang samad. Giputos niya og panapton ang iyang bat-ang. “Karon higda nga ingon niana, ug ayaw paglihok,” giingnan niya ang iyang anak, “ug ang Ginoo mohimo kanimo og laing bat-ang.”
Mga Santos, 1:404
Sa wala madugay, ang gobernador sa Missouri miingon misulti nga ang mga Santos kinahanglang mobiya sa estado o sila patyon. Apan ang bat-ang ni Alma wala pa maulii. Nag-ampo si Amanda ug nangayo og tabang sa Ginoo. Usa ka tingog ang misulti kaniya nga si Jesus dili gayod mobiya sa iyang pamilya. Si Amanda mibati nga ingon og walay bisan unsang makapasakit kaniya.
Doktrina ug mga Pakigsaad 88:83; Mga Santos, 1:422, 429-30
Pagkahuman niya og ampo, si Amanda nakadungog sa iyang mga anak nga nagsiyanigitay. Midali siya pagdagan aron sa pagpangita kanila, ug dihang iyang nakita, si Alma nagdagan-dagan libut sa kwarto. “Maayo na ko, Ma, Maayo na ko!” miingon siya. Ang iyang bat-ang naayo! Usa kadto ka milagro gikan sa Ginoo. Si Amanda ug iyang mga anak mibiya sa Missouri aron mangita og luwas nga dapit kauban ang mga Santos.
Mga Santos, 1:431–32