Dinaghan nga Kaminyoon

Usa ka sugo alang sa usa ka panahon

Samtang si Propeta Joseph nagtuon sa Biblia, nagbasa siya mahitungod sa mga propeta sama nila ni Abraham ug Moises kinsa naminyo labaw sa usa ka asawa. Si Joseph daghan kaayo og pangutana. Mao nga nakahukom siya nga mag-ampo ug mangutana sa Ginoo.

Doktrina ug mga Pakigsaad 132:1.; Mga Santos, 1:138, 572

Nakat-onan ni Joseph nga ang mga tawo kinahanglang mohimo sa dinaghan nga kaminyoon kon gisugo sa Dios.

Ang Ginoo nag-ingon nga kasagaran ang usa ka lalaki kinahanglan adunay usa lamang ka asawa. Apan sa pipila ka higayon ang Ginoo misugo sa usa ka lalaki nga makigminyo og labaw sa usa ka asawa. Mao kini ang gitawag og dinaghang kaminyoon. Ang Ginoo misulti ni Joseph nga ang Iyang mga katawhan kinahanglan nga mohimo lamang sa dinaghan nga kaminyoon kon Siya mosugo niini.

Jacob 2:27–30; Doktrina ug mga Pakigsaad 132:34–39; Mga Santos, 1:138, 326–27, 556–57, 572

Si Joseph nga nag-ampo mahitungod sa maong sugo.

Paglabay sa mga tuig, ang Ginoo misulti ni Joseph ug sa ubang mga Santos nga mohimo sa dinaghan nga kaminyoon. Dili sayon ang pagsunod niini nga kasugoan.

Mga Santos, 1:326–27, 506–508

Usa ka miyembro sa Simbahan nagbarog atubangan sa usa ka maghuhukom tungod kay siya nagbuhat og dinaghan nga kaminyoon.

Ang gobyerno mihimo og mga balaod batok sa dinaghan nga kaminyoon. Ang ubang mga Santos, lakip ang mga lider sa Simbahan, gibalhog sa bilanggoan.

Mga Santos, 2:622–25

Ang mga miyembro sa Simbahan midawat sa sugo nga dili na sila magbuhat sa dinaghan nga kaminyoon.

Niadtong 1890, ang Ginoo misulti kang Wilford Woodruff, ang Presidente sa Simbahan, nga ang mga lalaki kinahanglang dili na magminyo og labaw sa usa ka asawa. Ang mga lider sa Simbahan mipakigbahin niini nga sugo ngadto sa mga Santos. Mao gihapon kini ang sugo sa Ginoo karon—ang lalaki kinahanglang maminyo sa usa lang ka asawa.

Opisyal nga Pahayag 1; Mga Santos, 2:742–45, 612–15