Nagpakigbahin si Samuel Smith sa Basahon ni Mormon

“Nagpakigbahin si Samuel Smith sa Basahon ni Mormon,” Mga Istorya sa Doktrina ug mga Pakigsaad (2024)

“Nagpakigbahin si Samuel Smith sa Basahon ni Mormon,” Mga Istorya sa Doktrina ug mga Pakigsaad

1830–1832

3:9

Nagpakigbahin si Samuel Smith sa Basahon ni Mormon

Usa ka basahon mipanalangin og daghang kinabuhi

Si Samuel Smith nga nagpakigbahin sa Basahon ni Mormon ngadto nila ni John ug Rhoda Greene.

Gitawag sa Ginoo si Samuel Smith, ang manghod ni Joseph, nga magmisyon aron ipakigbahin ang ebanghelyo. Nahimamat ni Samuel si John ug Rhoda Greene ug gisultihan sila mahitungod sa Basahon ni Mormon. Si John usa ka tigsangyaw sa laing simbahan. Miingon siya nga magdala siya og kopya sa basahon ug mosusi kon aduna bay usa diha sa iyang simbahan ang gustong mobasa niini.

Mga Santos, 1:112-13

Giuli ni Rhoda ang Basahon ni Mormon ngadto ni Samuel.

Human sa pipila ka bulan, mibalik si Samuel. Miingon si Rhoda nga ang iyang bana wala makakita og tawo nga gustong mobasa sa Basahon ni Mormon. Gihatag niya kini og balik ngadto ni Samuel.

Mga Santos, 1:112-13

Gisultihan ni Rhoda si Samuel nga ganahan siya nga magbasa sa Basahon ni Mormon.

Naguol si Samuel. Mitalikod siya aron molakaw, apan gipahunong siya ni Rhoda. Miingon siya nga gibasa niya ang Basahon ni Mormon, ug ganahan siya niini.

Mga Santos, 1:112-13

Si Samuel nga naghatag sa Basahon ni Mormon pag-usab ngadto ni Rhoda ug nagdapit niya sa paghangyo sa Dios alang sa usa ka pagpamatuod.

Ang Espiritu Santo misulti ni Samuel sa paghatag og balik sa basahon ngadto ni Rhoda. “Hangyoa ang Dios nga hatagan ka og pagpamatuod,” gisultihan siya ni Samuel. Gitudloan niya si Rhoda mahitungod sa Espiritu Santo ug unsaon niya nga makahibalo nga ang Basahon ni Mormon tinuod.

Moroni 10:3–5; Mga Santos, 1:112–14

Si Samuel nga mopauliay gikan sa iyang misyon.

Si Samuel nga mipauli gikan sa iyang misyon. Wala siyay nabunyagan, ug pipila lang ka tawo ang interesado sa basahon ni Mormon.

Gipakigbahin ni Rhoda ang Basahon ni Mormon sa iyang igsoong lalaki, si Brigham Young.

Nag-ampo si Rhoda ug John, ug ang Espiritu Santo misulti nila nga ang Basahon ni Mormon tinuod. Dayon gipakigbahin ni Rhoda ang basahon ngadto sa iyang igsoong lalaki, si Brigham Young.

Mga Santos, 1:114

Si Brigham Young ug Heber Kimball nga nagbasa sa basahon ni Mormon.

Si Brigham ug ang iyang higala, si Heber Kimball, nagpangita sa tinuod nga Simbahan ni Jesus. Gibasa nila ang Basahon ni Mormon. Nagtuon ug nag-ampo sila mahitungod sa ebanghelyo ni Jesukristo hapit duha ka tuig.

Si Brigham nga naminaw sa usa ka misyonaryo nga nagpakigbahin sa iyang pagpamatuod.

Atol niining higayona, si Brigham ug Heber mitambong sa mga miting sa Simbahan kauban sa ilang mga pamilya. Sa usa niini nga mga miting, si Brigham nakadungog og usa ka misyonaryo nga nagpakigbahin sa iyang pagpamatuod. Ang misyonaryo dili maayong mamumulong, apan si Brigham mibati sa Espiritu Santo samtang siya namulong. Nasayod si Brigham nga nagsulti siya sa tinuod.

Si Brigham ug Heber nga mipakigbahin sa ebanghelyo.

Si Brigham, Heber, ug ang ilang mga asawa, si Miriam ug Vilate, nabunyagan. Gihigugma nila ang Manluluwas ug ang Iyang ebanghelyo. Paglabay sa katuigan, ang Ginoo mitawag ni Brigham ug Heber nga mahimo Niyang Apostoles ug moserbisyo og mga misyon. Tungod kay si Samuel mipakigbahin sa Basahon ni Mormon, daghang tawo ang mipasakop sa Simbahan sa Manluluwas.

Doktrina ug mga Pakigsaad 124:127–29; 126; Mga Santos, 1:247