Ang Adlaw sa Pagkaayo

Pagpanalangin sa masakiton pinaagi sa gahom sa Dios

Usa ka gwardiya sa prisohan nakig-istorya kang Joseph Smith.

Samtang si Joseph Smith ug ubang mga lider sa Simbahan mga piniriso sa Missouri, ang ubang gwardiya midala kanila ngadto sa laing prisohan. Ang mga gwardiya mga buotan sa mga piniriso. Usa ka gabii, ang lider sa mga guwardiya misulti kang Joseph nga matulog na siya, ug kon si Joseph ug iyang mga higala moikyas, dili siya mopugong nila.

Mga Santos, 1:447–48

Si Joseph ug ang ubang mga lider sa Simbahan miikyas. Nakaplagan nila ang ilang mga pamilya nga nagpuyo sa usa ka lungsod nga gitawag og Quincy.

Mga Santos, 1:450–51

Ang mga tawo nanghatag og pagkaon ug kapasilongan ngadto sa mga Santos.

Ang mga tawo sa Quincy mga buotan ngadto sa mga Santos. Gihatagan nila og pagkaon ang mga Santos ug mga sapot ug dapit nga kapuy-an.

Mga Santos, 1:430

Ang mga Santos nagsugod sa pagtukod sa Nauvoo.

Mapasalamaton kaayo ang mga Santos sa kamabination sa mga tawo sa Quincy. Apan si Joseph nasayod nga sila magkinahanglan og ilang kaugalingong dapit nga kapuy-an. Ang mga lider sa Simbahan mipalit og pipila ka luna sa yuta nga walay laing nakagusto, ug ang mga Santos misugod sa pagbalhin didto.

Mga Santos, 1:455–56

Usa ka babaye nga nag-atiman og laing babaye nga nagkasakit og malaria.

Ang yuta duol sa dakong suba. Basa ug lapokon kini ug dunay daghang lamok. Ang mga lamok nagdala og makamatay nga sakit sa daghang mga Santos nga gitawag og malaria. Ang uban kanila namatay.

Mga Santos, 1:458

Si Joseph Smith ug Wilford Woodruff naghatag og panalangin sa pagkapari ngadto sa usa ka nasakit nga batang lalaki.

Dihang nakita ni Joseph nga daghan kaayong mga tawo ang nasakit, gipundok niya ang pipila ka mga lider sa Simbahan ug gihangyo sila nga mouban kaniya. Tibuok buntag, gisuroy nila ang tanang pamilya, gibisita ang nasakit nga mga tawo ug gipanalanginan sila. Gigamit nila ang gahom ni Jesukristo sa pag-ayo nila sa ilang sakit.

Mga Santos, 1:458

Si Joseph nakig-istorya kang Elijah Fordham.

Usa ka tawo nga ilang gibisitahan mao si Elijah Fordham. Nasakit siya pag-ayo, ang iyang asawa nagtuo nga mamatay na siya sa dili madugay. Si Joseph nangutana ni Elijah kon duna ba siyay pagtuo nga mamaayo.

Mga Santos, 1:458

Si Elijah misulti ni Joseph nga siya adunay pagtuo nga mamaayo.

Si Elijah miingon, “Nahadlok ko nga ulahi na.” Gipangutana ni Joseph si Elijah kon mituo ba siya ni Jesukristo. “Mituo ko, Brother Joseph,” siya mitubag.

Mga Santos, 1:458

Si Elijah mitindog human madawat ang panalangin sa pagkapari.

Gipanalanginan siya ni Joseph sa ngalan ni Jesukristo. Mibangon si Elijah. Si Jesus miayo kaniya! Dayon si Elijah misunod ni Joseph ngadto sa sunod nga balay ug mitabang kaniya sa pagpanalangin sa ubang tawo nga nasakit.

Mga Santos, 1:459