Ang Relief Society

Ang mga babaye sa Nauvoo nagserbisyo sa Ginoo

Si Margaret Cook ug Sarah Kimball nag-istorya bahin sa bag-ong templo nga gitukod sa Nauvoo.

Si Margaret Cook nagpuyo sa Nauvoo. Nagtrabaho siya ni Sarah Kimball, nagtabang niya sa pagpanahi. Samtang nagtrabaho siya, ganahan sila nga maghisgot bahin sa bag-ong templo nga gitukod didto sa Nauvoo. Naghinam-hinam sila para sa templo.

Mga Santos, 1:510

Nakabantay si Margaret nga ang mga trabahante sa templo nagsul-ob og daan nga sinina.

Usa ka adlaw, nakabantay si Margaret nga daghang lalaki nga nagpanday sa templo nagsul-ob og daan ug nagkagidlay nga sinina. Naghunahuna siya kon siya ug si Sarah makahimo sa pagtahi og bag-ong mga sinina para sa mga lalaki. Ganahan si Sara niana nga ideya. Siya ug si Margaret nakigsulti sa ubang mga babaye bahin sa pagporma og grupo aron motabang sa mga trabahante.

Mga Santos, 1:510–511

Si Joseph Smith nakigmiting nila ni Margaret, Sarah, ug uban pa aron sa pagmugna sa Relief Society sa Simbahan.

Miingon si Propeta Joseph nga nalipay ang Ginoo sa ilang ideya, ug Siya adunay usa ka butang nga mas maayo para nila. Gidapit ni Joseph ang mga babaye nga makigkita niya pagka Marso 17, 1842. Gamit ang awtoridad sa pagkapari, giorganisar niya ang mga babaye sa Simbahan. Nakahukom sila nga tawagon ang ilang grupo og Female Relief Society of Nauvoo [Mga Babaye nga Relief Society sa Nauvoo].

Mga Santos, 1:510, 512–513

Margaret nakig-istorya og duha ka babaye.

Gihangyo ni Joseph ang Relief Society sa pagtabang sa mga tawo nga maandam alang sa mga panalangin sa templo ug sa kinabuhing dayon. Angay silang mahimo nga mga ehemplo sa pagsunod ni Jesus.

Mga Santos, 1:513

Mga sakop sa Relief Society nagdala og pagkaon alang sa usa ka pamilya nga nanginahanglan.

Misulti usab si Joseph nga ang Relief Society kinahanglan nga mangita og mga tawo nga kabos ug motabang nila. Bisan ang mga babaye nga kabos gusto nga motabang sa mga tawo nga nanginahanglan.

Mga Santos, 1:511

Ang Relief Society giorganisar. Si Emma Smith gitawag sa pagka-presidente. Mitawag siya og duha ka magtatambag, si Sarah Cleveland ug Ann Whitney. Mitawag usab siya og secretary, si Eliza R. Snow.

Mga Santos, 1:513

Si Emma nagtudlo sa mga babaye sa Relief Society.

Ang Ginoo mitabang ni Emma sa pagtuman sa iyang calling. Gitudloan ni Emma ang mga babaye nga makahimo sila og mahinungdanon nga mga butang pinaagi sa pag-alagad sa Ginoo. Ganahan siya nga ang matag usa nila mangita og mga paagi sa paghimo og maayo. Labing importante, siya miingon nila, mao ang paghigugma sa ubang tawo sama sa gibuhat ni Jesus. Daghang babaye sa Nauvoo ang miapil sa Relief Society.

Doktrina ug mga Pakigsaad 25:3, 7; Mga Santos, 1:514

Lain-laing mga hulagway nga nagpakita kon giunsa sa mga babaye sa Simbahan pagtabang sa mga tawo sa tibuok kalibotan.

Mitabang sila sa mga tawo nga maandam sa mga panalangin sa templo ug mitabang og daghang pamilya nga nanginahanglan didto sa Nauvoo. Sukad niadto, ang mga babaye sa tibuok kalibotan miapil sa Relief Society. Nagpadayon sila sa pagserbisyo sa mga tawo ug nagtabang nila nga makadawat sa mga panalangin sa templo.

Mga Santos, 1:514