Si Newel ug Ann Whitney Nakigkita ni Propeta Joseph

Si Ann ug Newel Whitney nanag-iya og tindahan sa Kirtland, Ohio. Si Ann wala magdako nga moadto og simbahan o magkat-on mahitungod sa Ginoo, apan gusto siya nga masayod Kaniya. Human siya ug si Newel naminyo, nag-ampo sila sa makadaghang higayon ug mihangyo sa Ginoo sa paggiya kanila.

Mga Santos, 1:127

Usa ka gabii atol sa ilang pag-ampo, si Ann ug Newel nakakita og usa ka panan-awon. Diha sa panan-awon, usa ka panganod ang anaa ibabaw sa ilang balay. Ang Espiritu sa Dios mipuno kanila. Ang panganod mitabon kanila. Dayon nakadungog sila og tingog gikan sa langit. Kini misulti kanila, “Pangandam sa pagdawat sa pulong sa Ginoo, kay kini moabut.”

Mga Santos, 1:127

Pagkataud-taod, si Parley Pratt miabot sa Kirtland. Siya ug ang iyang mga kauban nagtudlo sa ebanghelyo ni Jesukristo. Sa dihang nadunggan ni Ann ang ilang gitudlo, nasayod siya nga kini tinuod. Mipauli siya aron ipakigbahin ang balita kang Newel. Sa wala madugay nabunyagan sila.

Mga Santos, 1:127

Paglabay sa duha ka bulan, usa ka lalaki ug babaye miadto sa tindahan ni Newel. Si Newel wala makaila kanila, apan ang lalaki milamano sa kamot ni Newel ug mitawag ni Newel sa iyang ngalan. Ang lalaki miingon, “Ako si Joseph nga propeta.” Mipasabot siya nga ang Ginoo mitubag sa mga pag-ampo ni Newel. Iyang gipadala si Emma ug Joseph aron himamaton si Ann ug Newel.

Mga Santos, 1:128–129

Si Newel ug Ann nasayod nga ang ilang panan-awon matuman. Gihangyo nila si Joseph ug Emma nga mopuyo uban nila sa ilang panimalay. Si Ann ug Newel nahigugma ni Jesus ug sa Iyang ebanghelyo. Ilang gihatag ang tanan nga naa nila ngadto sa mga Santos ug sa Simbahan sa Manluluwas.

Doktrina ug mga Pakigsaad 38:23–27, 34–42; Mga Santos, 1:130