“Si Jane Manning Mibiyahe ngadto sa Nauvoo,” Mga Istorya sa Doktrina ug mga Pakigsaad (2024)
“Si Jane Manning Mibiyahe ngadto sa Nauvoo,” Mga Istorya sa Doktrina ug mga Pakigsaad
1841–1843
Si Jane Manning Mibiyahe ngadto sa Nauvoo
Naglakaw nga dunay hugot nga pagtuo sa Ginoo
Si Jane Manning ug iyang pamilya nagpuyo sa usa ka dapit diin pipila sa mga tawo dili ganahan nila ug mitratar og dili maayo nila tungod sa kolor sa ilang panit. Usa ka adlaw, nakadungog si Jane og usa ka misyonaryo nga nagtudlo. Nasayod siya nga ang iyang mensahe tinuod. Pagkasunod gayod nga Dominggo, gibunyagan siya.
Mga Santos, 1:570
Ang pamilya ni Jane mipasakop usab sa Simbahan. Ang Ginoo gusto nga ang mga Santos magkauban nga magpundok sa Nauvoo. Gihigugma ni Jane ang Ginoo. Siya ug ang iyang pamilya gusto nga makauban ang ubang mga Santos. Busa misugod sila sa ilang panaw ngadto sa Nauvoo.
Doktrina ug mga Pakigsaad 124:25; Mga Santos, 1:570
Isip kabahin sa ilang biyahe, sila mobiyahe sakay sa barko. Kadaghanan sa mga tawo diha sa barko makabayad sa pamasahe sa kataposan sa biyahe. Apan pipila ka lalaki misulti sa pamilya ni Jane nga kinahanglan nilang magbayad daan. Wala silay igo nga kwarta. Ang gihimo sa mga lalaki gipakanaog sila sa barko, ug wala sila pasakya.
Mga Santos, 1:571
Ang pamilya ni Jane kinahanglan pa nga mobiyahe og 800 ka milya, o 1,300 ka kilometro. Kinahanglan nilang tabokon ang lalom nga sapa nga walay taytayan. Kinahanglan nilang matulog sa gawas. Ang panahon kasagaran tugnaw kaayo. Apan ang pamilya ni Jane determinado nga makaabot sa Nauvoo. Ilang gidasig ang ilang kaugalingon pinaagi sa pagkanta samtang naglakaw.
Si Jane ug iyang pamilya naglakaw ug naglakaw hangtod nga ang ilang mga sapatos napudpod ug ang ilang mga tiil nangapaslot. Apan dihang nag-ampo sila sa Dios alang sa tabang, giayo Niya ang ilang mga tiil.
Mga Santos, 1:575
Mitabang sila sa mga tawo nga ilang masugatan diha sa ilang panaw. Mitabang pa gani sila nga maayo ang usa ka masakiton nga bata tungod sa ilang hugot nga pagtuo.
Mga Santos, 1:575
Sa kataposan, si Jane ug iyang pamilya naabot sa Nauvoo! Gikapoy sila ug nanginahanglan og dapit nga kapuy-an. Busa miadto sila sa balay ni Emma ug Joseph. Dihang nakadungog si Joseph sa tanan nga ilang naagian, iyang gisultihan si Jane, “Panalanginan ka sa Dios. Usa na kamo sa mga higala karon.” Si Joseph ug Emma midapit ni Jane nga mopuyo uban nila.
Mga Santos, 1:575–76