Kitabu Changu cha Mchoro cha Hekalu

Habari!

Jina langu ni Brayden, na ninaishi Utah, Merekani.

Nitakuambia kuhusu lengo nililofanya nilipokuwa na umri wa miaka 10.

Yote yalianzia kwenye safari ya kuwatembelea babu na bibi yangu. Babu na bibi yangu walikuwa na vitabu vya hekaluni katika chumba chao cha sebule, na nilipenda kuangalia picha hizo. Niliamua kwamba nilitaka kutengeneza kitabu changu mwenyewe cha hekaluni. Niliweka lengo la muda mrefu la kuchora mahekalu yote.

Niliamua kuchora hekalu langu la kwanza. Nilichukua penseli, nikaangalia picha mtandaoni, na nikachora Hekalu la St. George Utah Kisha nilichora Hekalu la Logan Utah na Hekalu la Manti Utah. Mama yangu alipendekeza kwamba nitumie kitabu kikubwa cha michoro kwa ajili ya mahekalu yangu. Sasa, mwaka mmoja na nusu baadaye, niko hekalu namba 81, Hekalu la Reno Nevada. Bado nina mahekalu 105 ya kuchora!

Kuna nyakati ambapo ninataka kuachana na hekalu ninalochora. Wakati hili linapotokea, ninapenda kusema sala na kumwomba Baba wa Mbinguni anisaidie kupita sehemu ngumu.

Kitu kizuri kuhusu lengo hili ni jinsi lilivyowasaidia ndugu zangu wadogo watatu kulipenda hekalu zaidi. Ndugu yangu mdogo Kade anachora mahekalu anayotaka kutembelea siku moja, na kaka zangu wengine huchora mahekalu kwa ajili ya walimu na marafiki.

Lengo langu pia limenisaidia kupata baadhi ya mapendeleo yangu mengine. Ninapenda kusanifu! Nilianza kutengeneza mifano ya 3D ya mifano ya mahekalu majira ya joto iliyopita, na ninatumaini kuwa msanifu wa majengo wakati nitakapokua.

Lengo hili limenisaidia kuhisi kuwa karibu zaidi na Baba wa Mbinguni na Yesu. Wakati wowote ninapochora hekalu, ninamhisi Roho. Ninajua kwamba mahekalu ni nyumba za Mungu. Hivi karibuni, nimeweza kuingia ndani ya Hekalu la Payson Utah na mengine. Ninamhisi Roho kwa nguvu sana wakati ninapofanya ubatizo hekaluni.

Wakati wowote ninapoona hekalu, inanisaidia kuwa imara katika kuchagua mema.

Michoro na Brayden B.