Maandiko ya Furaha ya Maja

Maja aliketi kwenye ngazi za nyumba yake na kupumzisha kidevu chake mikononi mwake. Jua lilikuwa linang’aa sana, miale ya mwanga mkali kupitia miti mirefu. Hewa ilikuwa na harufu nzuri kama ya matawi ya misonobari.

Mama alitoka nje na kukaa karibu na Maja. “Unafikiria kuhusu nini?”

“Ninatakiwa kushiriki maandiko niyapendayo katika Darasa la Watoto,” Maja alisema. “Lakini sina nipendelealo. Na sijui ni lipi la kuchagua.”

Mama aliitikia kwa kichwa. “Kuchagua andiko pendwa ni vigumu.” Alitazama kwenye miti, kisha akasimama. Nina wazo.”

Mama alirudi ndani. Aliporejea mahali pale, alikuwa ameshikilia kitabu chake cha maandiko. “Acha tuanze na hadithi. Ni hadithi gani ya maandiko unayoipendelea zaidi?”

Maja alifikiria kuhusu hilo. “Ninapenda wakati Yesu alipowatembelea Wanefi.”

Mama alipekua kupitia kurasa katika Kitabu cha Mormoni. “Hadithi hiyo inaanza katika 3 Nefi.” Yeye alionyesha kwenye ukurasa huo. “Acha tupeane zamu kusoma na kuchagua mistari tunayoipenda.”

Maja aliitikia kwa kichwa na kusikiliza wakati Mama akisoma. Alisoma kuhusu Yesu Kristo akiwaita wanafunzi Wake. Alisoma kuhusu wapatanishi na sala.

Kisha ikafika zamu ya Maja. Alipomaliza moja ya mistari, alitulia kidogo. Alihisi kama jua lilikuwa linang’aa vya kutosha kujaza moyo wake.

Alimtazama Mama. “Ninapenda hilo.”

“Mimi pia. “Unapenda nini kuhusu hicho?” Mama aliuliza.

Maja alipandisha mabega wakati tabasamu likisambaa usoni mwake. “Ni kuhusu Yesu: Na inanifanya nijihisi furaha tu.”

Mama alitabasamu pia. “Hiyo ni njia nzuri ya kujua umepata andiko unalolipenda. Je, unataka kushiriki hilo katika Darasa la Watoto?”

Maja alikubali kwa kichwa kwa furaha. “Je, utanisaidia kujifunza jambo hili?”

“Bila shaka!” Mama alisema.

Mama na Maja walifanyia mazoezi neno moja kwa wakati mmoja. Walipokuwa wakifanya kazi, ndege waliruka kwenye miti, kama vile walikuwa wakijifunza pia.

Wiki yote, Maja aliendelea kufanyia mazoezi andiko lake jipya alilolipenda. Jumapili asubuhi, alikuwa na wasiwasi kidogo. Alifanya mazoezi ya kusema maandiko yake kwenye safari ndefu kwenda kanisani kwa gari.

Kulikuwa na watoto wachache tu katika Darasa la Maja. Lakini alipokuwa akiingia darasani, Maja alihisi kama vipepeo walikuwa wakiruka tumboni mwake.

Ilipofika zamu yake kushiriki, Maja alisimama na kuvuta pumzi nzito. “Tazama, Mimi ndiye sheria, na nuru,” alisema “Nitazameni Mimi, na mkavumilie hadi mwisho, kwani kwake yeye avumiliaye hadi mwisho nitampa uzima wa milele.”

Wakati Maja alipomaliza, aliketi chini na kutabasamu. Ameweza! Vipepeo wa wasiwasi walikuwa wameondoka, na hisia za furaha zilikuwa zimerudi. Alijua maandiko yake aliyoyapenda yangeleta hisia hiyo wakati wowote alipouhitaji.

Vielelezo na Chloe Dominique