“Kolkoldi’ ehu nan Ghana,” Soai kan en Doctrine oh Covenants (2024)
“Kolkoldi’ ehu nan Ghana,” Soai kan en Doctrine oh Covenants
Suhn 1989–Nohpempe 1990
“Kolkoldi” ehu nan Ghana
Kolokolete pwoson nan ansou me Souleng kan sohte kak patpene
Alice Johnson wia misineri men me wie papah nan pein ah wasa, Ghana. E inenen perenki ehukihwei ah kadehdehpen Sises Krais oh sewsewese kakairada Mwomwohdisoh.
Souleng kan, 4:416–17
Ehu rahno, Alice alehdi rohng kansensued kei. Koapwerment en Ghana solahr mweidada kaudek kan en Mwomwohdiso. Misineri kan solahr kak padahk.
Souleng kan, 4:417
Pwolis kan pwakihasang misineri kan nan imwarail kan oh wahsangehr wararail pwaiskel kan. Ekei tohn Mwomwohdiso kan seldier nan imweteng. Sounpei kan loakehdier imwen Mwomwohdiso kan oh sohte mweidehng emen en pidelong. Aramas kahdaniki met “kolkoldio.”
Souleng kan 4:417–18
Misineri kan anahne kohkohla imwarail koa. Alice kohla mihmi rehn kehmpoakepah men nan ehu kahnihmw. E salohkidahr me e pahn sohte kak kanekehla ah misino.
Souleng kan, 4:418
Souleng kan nan Ghana pingkidhr, insensuwedkilahr, oh masepwehkadahr. Irail medemedewehier dahme irail wiahier me sapwung. Irail pahn kak pwurehng kohla sarawi?
Souleng kan, 4:418
Mendahte arail sohte kak patpene Nan arail ward kan, Souleng poakohngete Kauno oh men kaudekiong Ih. Irail wia kamadipw sarawi nan imwarail kan. Tohn peneinei kan me ahniki prihsduhd kapaiada pilawahu oh pihlo oh wahsangehr tohn peneineio.
Doctrine oh Covenants 6:32; Souleng kan, 4:419
Mwurin sounpwung kan, tenpenehu doudoulahte. Souleng kan kin koulki koulen sarawi kan oh kasukuhlki pene rongamwahuo nan imwarail kan. Irail kin mwemweitpene nanpwungarail pwehn kolokol kehlail arail pwoson. Irail kin nekidala arail meiroang kan pwehn pwain ansou re kak pwuralahng sarawi. Irail kapakapehr oh kaisihsolehr me tenpenehu pahn uhdi.
Souleng kan, 4:436–37
Mwurin ansou reirei ieu, mwurin sounpwung 18, koapwermento mweidadahr Mwomwihdiso en kakehr pwurehng wia arail kaudek kan. Emen preseden en misin me kapw men lokaiahn Alice, me met wia tohn sukuhl nan college. “Ke men pwurodo oh papah nan misin mwurin sukuhl?” e idekehr. “Soh,” e sapengkiher. “I men papah ansou wet!”
Souleng kan, 4:437–39
Alice oh Souleng teikan inenen perenda arail kakehr pwuralahng sarawi! Ni keioun RahnSarawi mwurin tenpenehu, kaudek en kamadipw sarawio reireiki away riau pwehki tohto aramas men wia arail kadehde kan. Irail indapene nanpwungarail duwen Kauno ah ketin kapai iraildahr oh sewese irail en kolokol kehlail arail pwoson.
Doctrine oh Covenants 20:75; Souleng kan, 4:438