Ahn Parley ah Misin nan Kanada

Mwurin kasarawihn Tehnpas Sarawi en Kirtlando, tohtohn kaun akan en Mwomwodiso kohla wia arail misin en kalohki rongamwahuo.

Tepin Padahk oh Inou kan 88:81; 109:22–23; 112:28–29; Souleng kan, 1:249

Parley Pratt pereniki ehukiwei rongamwahuo. Ahpw e medewe me e konehng mihmihte ni ihmweo pwehki ah pwoud, me adaneki Thankful. inenen soumwahu. Neira mwohni pil sohte itar.

Souleng kan, 1:249

Heber Kimball, emen kompokepahn Parley oh emen Wahnparon, kohdo mwemweit. E kihong Parley kapai en Prihsduhd oh padahkiong me e konehng kalohki rongamwahuo nan Kanada. Nan kapai en Prihsduhdo, Heber inoukihda me Thankful pahn mwahula. E inouki me e pahn nainekihda pwutak emen oh Kauno pahn ketin sewese Parley alehdi mwohni me e anahne.

Souleng kan, 1:249–50

Thankful oh Parley pwopwoudkier sounpar 10. Ira sohte naineki seri. Ahpw ira ahneki pwoson nan Sapwellimen Kauno inou kan. Mendahte ah pahn inenen apwal ong ih ni ah pahn dohsang Thankful nan Kanada, Parley mweselda pwe en kalohki rongamwahuo.

Souleng kan, 1:250

Nan Kanada, Parley rapahki wasahkan me e pahn kak padahki aramas akan. E peki ma e kak padahk nan ihmwen sarawi kan de nan ihmw teikan. Koaruhsie inda soh.

Souleng kan, 1:252–53

Eri Parley tuhong John oh Leonora Taylor. Ira kin poakohng Sises Krais oh Pwuhk Sarawi. John peidenk rehn Parley ma dahme e padahngki wekisang padahk kan en Pwuhk Sarawi.

Souleng kan, 1:252–53

Parley koasoaia me e padahngki duwen Sises, soukohp akan, pepdais, oh Ngehn Sarawi. Soahng pwuko koaros mihmi nan Pwuhk Sarawi. John peidek,“Ah duwen Sosep Smith oh Pwuhk en Mormon?“ Parley padahkiong John me e ese me Pwuhk en Mormon mehlel, duwehte Pwuhk Sarawi, oh Sosep Smith wia soukohp en Koht men.

Souleng kan, 1:253

John kamelele dahme Parley koasoaiaier. E wadek Pwuhk en Mormon oh ese me e mehlel. John oh Leonora luke kompokepahra Sosep, Mercy, oh Mary Fielding oh mehteikan en kohdo iang rong ahn Parley padahk. Aramas tohto pepdaisla oh towehla Mwomwodiso.

Souleng kan, 1:254–55

Parley inenen peren, ahpw e pil men samwalahr ni ihmweo rehn Thankful nan Kirtland. E rahnmwahuila kompokepah kan nan Kanada. Ni ansou me e itik pehrail kan, irail kihong ih mwohni pwehn sewese ih en apwalihki ah peneinei.

Souleng kan, 1:255–56

Ansou me Parley lella ni ihmweo, e diarada me Thankful mwahulasang rahnteio. Parley alehdi ekei kopi en Pwuhk en Mormon oh pwurala nan Kanada pwehn doulahng kalohki rongamwahuo. Ansou wet Thankful iang ih kohla.

Souleng kan, 1:256

Mwuri Thankful oh Parley diarada me ira pahn naineki seri. Ira tamanda kapai en Prihsduhd me Heber kihong Parley. Ira pehmadahr me soahng koaros me Kauno ketin inoukihong ira nan kapai en Prihsduhdo mehlella.

Souleng kan, 1:256