Peneinei en Jackson

Mwurin keioun pwihn en Souleng koa kohkohlahr nan Wahu en Salt Lake, Souleng kid kei pil kohla. Irail seiloangkiher wasa doh ehu, oh Kauno sewese irailehr. Ehu peneinei me iang seiloako iei peneinei en Jackson. Irail kohkohsangehr imwarailo nan England oh inenen perenki kolahn sewese Souleng kan kauwada Saion.

Doctrine oh Covenants 136:1–11; Souleng kan, 2:222–23

Peneinei en Jackson kotelahr madauo pohn sohp ehu. Irail eri dake train ekis wasahu lelahng Wahu en Salt Lake. Irail anahne alu pwehn lela wasahu.

Souleng kan, 2:222–23

irail wiadahr sin kuruma tikitik ieu mehn wahda kanarail mwenge, arail likou, oh mehteikan me re men wahda. Tohto Souleng kan lela nan wahuo ni mwohmw wet.

Souleng kan, 2:223–26

Elisaped oh Aron Jackson waikehr neirail kurumwa toutouo. Neira serihkoa, Martha, Mary, oh Aron Jr., aluhier. E inenen wia doahk laud. Irail songosong lelahng nan wahuo mwohn ansoun kepou. Ahpw ansou me fall leledohr, re saikinte keren en lela wasahu. E tepier lomwlomwurla, oh e sohsolahr kenarail mwenge.

Souleng kan, 2:223–26, 229, 231–32

Nan Kahnihmw en Salt Lake, Brigham Young esedahr duwen Souleng kan me kohkohdo nan wahuo. E saloh kin iraildahr. Rahn mandahu ni imwen sarawio, e indahngehr koaros me Souleng kan miher nan kahpwal. E indahng irail en audehkihda kuruma kan soahng kan me Souleng kan pahn anahne. “Kohla oh wahdo aramas koa,” e indahier.

Souleng kan, 2:229–30

Lih akan nan mihtingo kihsangehr arail sidakin kan oh kiheng nan kuruma koa. Ekei kihda kanarail mwenge, pilangkes, suht, oh likou kan. Rahn riau mwuri, tohtohsang ohl 50[limehk] oh kuruma 20[riehk] kohkohsang wahuo kolahn sawas.

Souleng kan, 2:230

Ni peneinei en Jackson ahr wie alialuhte, sinoh tepidahr mwer. Aron soumwahudahr. E apwalehng en alu. Souleng koa anahne kotehla pillap ehu me tenlahr, oh met wiahda Aron ah pil luwetala. Pwohngo, Aron mehla. Me kansensued, ah peneinei anahne nanantihlahte menda eh sohte iang.

Souleng kan, 2:232–34

Menseng mandahsango, pil ekei sinoh miher pohn pwehlo. Peneinei en Jackson o oh Souleng teikoa pwuhsehr oh waikehr neirail kuruma koa nan sinohwo. Rahn koaros irail kin kapakap me Koht pahn sewese irail.

Doctrine oh Covenants 136:29; Souleng kan, 2:234–35

Ehu pwohngo, Elizabeth sansalohki nah seri kan. Irail men mwengedahr oh poudahr. Irail kak lela Wahu en Salt Lake? E meirla oh ouramankiher me e kilangadahr Aron. E inda, “Perenda, Elisaped.” E indahngehr Elisaped me sawas kohkohdo.

Souleng kan, 2:235–36

Aron pwung. Me keren, ohl akan sang Salt Lake leledohr iangahki wararail kurumwa koa. Irail kihengehr Souleng kan mwenge oh likou. Souleng kan perendahr oh kokouruhr oh pwoalehdier ohlakoa. Irail koulkiher ehu koulen sarawi oh kaping ohng Sahm Nanleng pwehki Ah sapeng arail kapakap kan.

Doctrine oh Covenants 136:28; Souleng kan, 2:236

Ansou re lelahng nan wahuo, e lelehr Rahn Sarawi. Brigham Young indahngehr towehkan en Mwomwohdiso nan kahnihmw en Salt Lake me palahsang kohla sarawi, irail anahne kohla Kasamwoh Souleng koa me leledohr. Irail kasamwohdo lomwlomwuro oh Souleng pwangadahr kan oh lukei irail en mihmi nan imwarail kan.

Souleng kan, 2:239–40