Soai kan en Pwuhk Sarawi
Kauno Kadaredo Oliver Cowdery

“Kauno Kadaredo Oliver Cowdery,” Soai kan nan Doctrine and Covenants (2024)

“Kauno Kadaredo Oliver Cowdery,” Soai kan nan Doctrine and Covenants

1828–1829

Kauno Kadaredo Oliver Cowdery

Esehla Mwomwen Koht ah kin ketin Mahsen ong kitail

Joseph oh Emma Smith wie doadoahk mwohn imwarahu.

Joseph oh Emma wie nantiengete kaukauwewehdi Pwuhk en Mormon. Doadoahko udahn apwal oh ira pil anahne doadoahk nan ara wahn sahpwo. Joseph kapakapki me Samatail Nanleng pahn kadaredo aramas en sewese kauwewehdi Pwuhk en Mormon.

Souleng kan, 1:56, 58

Oliver Cowderi riring bell en schoolo.

Wasa doh ehu nan New York, Oliver Cowdery, souhnpadahk pwulepwul men, kin wie koukouson rehn an Joseph Smith pahpa oh nohno. Oliver padahkih rien Joseph pwutak oh serepein tikitingko.

Souleng kan, 1:58–59

Oliver Cowdery wie mwomwohd limwahn kisinieio oh wie koskosoieng an Joseph Smith pahpau oh nohnou.

Oliver rong duen Joseph oh plate kohl ko. E udahn pwonopwonki. Eh kosoieng an Joseph Smith pahpa oh nohno. Ira padakieng Oliver me Joseph wiewia Sapwelimen Kauno doadoahk.

Souleng kan, 1:59

Oliver Cowdery kelepwidi limwahn ah pehto oh wie kapakapki pwe en esehla mehlel duen Joseph Smith.

Met Oliver udahn pwonopwoniki laud. An Joseph pahpa oh nohn padahkieng Oliver me eh anahne kapakap oh pwe en pein esehda ma Sapwelimen kauno doadoahk mwo. Eri ehu pwohngo, Oliver kapakap ni ngidingid. Koht ketkieng meleilei nan ah madamadau. Oliver ese me Joseph Smith iei Sapwelimen Koht tohn doadoahk. Eh kehn me eh anahne sewese Joseph.

Souleng, 1:60

Oliver Cowdery oh Joseph Smith mwomwohd limwahn kisiniei. Emma wie kolokol ekei doarepwehko.

Ni ansou me school komoldi, Oliver kohla pwe en tueng Joseph oh Emma. Oliver oh Joseph wie pepehd koskosoia duen plate kohlko oh Sapwelimen Koht doadoahko.

Souleng kan, 1:60

Oliver Cowdery intinting pohn doarepwehko

Oliver kosoia me eh pahn inting ah Joseph pahn kawehwe. Eh udahn pereniki dahme eh esehla duen Stses. Pil mie ah peidek oh men ahniki pwoson laud.

Souleng kan, 1:61

Oliver Cowdery oh Joseph Smith wie mwomwohd pohn sehr kei limwahn wenihmw toko.

Kauno ketin mahsen ong Oliver, sang rehn Soukohp Joseph. E ketin padahkieng Oliver ma eh taman nihpwong me eh kapakapo. Koht ketkieng ih meleilei. Koht kelehpw me ketin masanih kapakapo. An Oliver pwoson udahn laudla. Eh kin sewese Joseph, oh Kauno padahkieng sohng tohto mwomwen Koht ah kin ketin mahsen ong kitail.

Doctrine oh Covenants 6:14–24; 8:1–3; 9:7–9; Souleng kan, 1:62–64