Imweteng en Liperdi

Tohto aramas me kin mihmi nan Missouri sohte poakepoake Souleng kan. Kepinahu kadaralahr sounpei kan en pwakih irailla. Sounpei koa pwakih irailsang imwarail kan, pirapahsang kepwe kan nan imwarail koa, oh kamedekelahr tohto irail.

Souleng kan, 1:355–56, 362, 364

Sounpei koa aresdi Soukohp Sosep Smith oh ekei kaun kan en Mwomwohdiso.

Souleng kan, 1:357–58

Sosep peki ma e kak ahniki ekis ansou en kelehpw rehn ah peneinei. Sounpei koa indahier soh. Irail wahsangehr Sosep oh ekei tohn kalapwuhs koa.

Souleng kan, 1:366

Ehu pwohngo, Sosep oh tohn kalapwuhs teikoa rongehr soun silasil koa ahr kouruhrkiher soahng suwed kan irail wiahngehr Souleng koa. Sosep sohla kakehng rong. E udahr oh werkihda,“Meleilei!” E lokaiahkiher sapwellimen Koht manaman. Soun silasil koa masepwehkada. Irail pekimahk oh sohla lokaia.

Souleng kan, 1:367–68:

Mwuhr, Sosep oh kempoakepah kan kohiengehr nan imweteng ehu nan kahnihmw ehu kahdanki Liperdi. Nan imwetengo inenen kepou, koait, oh rotorot. Ihte me mie iei straw samin kei me irail kin meir powe. Kisin mwenge tikitik me mie, oh e kasoumwahuih iraildahr.

Souleng kan, 1:369–70, 374, 384–85

Sosep ahnekiher madamadau laud duwen Souleng koa. E poakohng irail. E saloh kin irail. Ahpw e sohte kak wia mehkot pwehn sewese irail.

Souleng kan, 1:385–86

Sosep kapakapehr pak tohto. E idekehr rehn Kauno ia Ih oh dahme E sohte sewesehki Souleng koa. Kauno ketin moanokelahr Ih oh sapwellime Mwomwohdiso?

Doctrine oh Covenants 121:1–6

Koht ketin sapeng en Sosep kapakapo. E ketin mahsaniher, “Nei pwutak, meleilei ohng ngenomwen.” E ketin mahsaniheng Sosep me ah songosong kan sohte pahn wiawi erein, oh irail pahn wia kamwahupe. Koht ketin katamaniki Sosep me Sises Krais lelohngehr soahng kan me inenen apwal. E ketin inoukiher me E pahn ieiang Sosep “erein.”

Doctrine oh Covenants 121:7; 122:5–9