Mwomwohdiso en Sises Krais Koukoudahr

Pwuhk en Mormon wiawihdahr, oh Sapwelimen Koht manaman en Priesthood mie ier pohn sampah. Kauno masanieng Joseph Smith me e lelehr ansou en Kawada Mwomwohdiso en Sises Krais.

Souleng kan, 1:84

Ni Epreil 6, 1830, lih oh ohl pehk kohdo ni imwen peneinei en Withmer pwe ren kosonehdi Mwomwohdiso wet. Kauno pilada Joseph oh Oliver en kaunda Sapwelime Mwomwohdiso wet. Joseph oh Oliverpadahkieng aramasoko rehn Kawada pehrail ko pwe en kasalehda arail utuht me Ira pahn wia arail Kaun.

Doctrine oh Covenants 20:1–3; Souleng kan, 1:84

Mwuri, Joseph oh Oliver kapaiada kamadipw sarawio. Re kieng Irail en pwe en sewese Irail tamataman Sises Krais. Joseph oh Oliver eri kidding pehrahko pohn mongen irailko me papdaislahr. Re katengehdieng Irail en wia towe mehlel en Mwomwohdiso wet oh kieng Irail kisakis en Ngehn Sarawi.

Doctrine oh Covenants 20:75–79; Souleng kan, 1:85

Kauno ketkieng Joseph kehkehlik ehu ong mwomwodiso kapw wet. E padakieng Irail en intingihdi dahme wiawi nan Mwomwohdiso wet. E mahsanih me Joseph Smith wia Sapwelime soukohp emen. E inoukieng tohn mwomwohdiso me ma Irail pahn idaweh kosonned akan me E ketkieng Joseph, E pahn ketin kapai irailda. Tepelo sohte pahn ahniki manaman pohrail.

Doctrine oh Covenants 21:1–6; Souleng kan, 1:85

Aramas oko udahn pereniki arail ahniki Mwomwohdiso en Sises Krais. Mwurin tuhpeneh, me tohto papdaisla, me iangahki en Joseph nohnou oh pahpau. Ni ansou me ah pahpau pwaradahsang nan philo, Joseph pwolehdi. “Joseph kosoia, I momourikier ahi pahpau ah papdaisla nan Mwomwohdiso en Sises Krais” me keioun mehlel.

Souleng kan, 1:86

Ekis ansou ni pwohngo, Joseph kohla nan tuhkehko pwe en kelehpwla. Ah mongiong udahn direhkihla peren. Sounpar eisek samwalahro me e kilang Seme Nanleng oh Sises Krais. Song tohto wiawi nan erein ansouohte. Joseph udahn pereniki ah kak iang sawas en wiahda, de kapwurehdo, Mwomwohdiso en Sises Krais.

Souleng kan, 1:86