“Samuel Smith Euhkiwei Pwuhk en Mormon,” Soai kan en Doctrine oh Covenants (2024)
“Samuel Smith Euhkiwei Pwuhk en Mormon,” Soai kan en Doctrine oh Covenants
1830–1832
Samuel Smith Ehukiwei Pwuhk en Mormon
Pwuhk ehu kapaiada diren mour
Kauno ketkieng Samuel Smith, rien Joseph pwutak tikitiko, mission ehu en kalohki rongamwahuo. Samuel tuheng John oh Rhoda oh padahkieng ira duen Pwuhk en Mormon. John wia tohn padahk emen nan ehu mwomwohdiso. E kosoia me e pahn ale ehu pwuhko oh kilang ma mie me men wadek nan ah mwomwohdisou.
Souleng kan, 1:99
Mwurin sounpwong kei Samuel pwuredo. Rohda kosoia me ah pwoudo sohte kak diarada emen aramas me men wadek pwuhko. Ih eri kapwureieng Samuel.
Souleng kan, 1:99
Samuel insensuedla. E sohpeila pwe e en samwalahr ah Rohda kauhdi ih. E kosoia me e wadek ehr Pwuhk en Mormono oh e mwahuki.
Souleng kan, 1:99
Ngehn Sarawi kaweidki samuel en kapwureieng Rohda pwuhko. “Peki rehn Koht en kasaleieng uhk kadehdepen pwuhko,” Samuel padahkieng ieng. E padahkieng Rohda duen Ngehn Sarawi oh ia mwomwen ah pahn ese me Pwuhk en Mormon mehlel.
Moroni 10:3–5; Souleng kan, 1:99–100
Samuel pwuralahr imwehu sang ah missiono. E sakinte pepdaisihla emen, oh aramas malaulau me pwungki Pwuhk en Mormon,
Rhoda oh John kapakapehr, oh Ngehn Sarawi padahkiong ira me Pwuhk en Mormon me mehlel. Eri Rhoda ehukiong pwuhk o ong rie pwutak, Briham Young.
Souleng kan, 1:100
Brigham oh kompokepah, Heber Kimball, wie raparapahki sapwelimen Sises Mwomwodiso me mehlel o. Re wadek Pwuken Mormon. Ira onopiki oh kapakapki duwen rongamwahu en Sises Krais erein sounpar riau.
Nan ansou pwukat, Brigham oh Heber kohlahr oh iang tuhpene en Mwomwodiso kan iangahki ara peneinei kan. Nan ehu tuhpene pwukat, Brigham rongehr misineri men ah wia ah kadehde. Misineri menet sohte ahneki koahiok en kosokosoi, ahpw Brigham kehnda Ngehn Sarawi ni ansou me e kosoi. Brigham ese me e kosokosoia mehkot pwung.
Brigham, Heber, oh ara pwoud ko, Miriam oh Vilate, pepdaisla. Irail poakohng Sounkomouro oh Sapwelime rongamwahu o. Sounpar kei mwuri, Kauno eker Brigham oh Heber en wia Sapwelime Wahnpoaron oh wia ara papah en misin. Pwehki Samuel ehukiwei Pwuhk en Mormon, me tohto towehda an Sounkomouro Mwomwohdiso.
Doctrine oh Covenants 124:127–29; 126; Souleng kan, 1:215–16