Sounkadehde kan Kilang Pwuhk en Mormon Pilet Kan

Joseph, Emma, oh Oliver wiewie kawkawehwe pileit kohl kan ni ihmwen Smith ko nan Pennsylvania. Ahpw aramas en nan arail wasaho men kauhdi irail. Mie kompokepahn Oliver men adaneki David Whitmer me kin kouson nan New York. Oliver idek rehn David ma re kak kousonla rehn peneinei en Whitmer oh kanekehla kawehweo.

Souleng kan, 1:68

David oh ah peneinei pwungkilahr. Irail koasoamwo Joseph, Emma, oh Oliver ong nan ihmwarail. Met re kakehr doula nan dodohk en kawehwe ni meleilei. Aramas tohto me kin kouson nan ihmwen Whitmer ko, Met wewehki me diren dodohk anahne wiawi, ahpw mehlel ong an David nohno, Mary.

Souleng kan, 1:68–70

Ehu rahno, ansou me Mary wie dodohk, tohnleng Moroni pwarohng ih. E kosoia me e ese me dodohk teiko kin kahreiong ah kin pwangada. E men kakelailihla ah pwoson. E kihpeseng pahk ehu oh kihiei pileit kohl ko. E pahk pwuhko oh kasalehiong Mary inting ko. E inoukiong Mary me e pahn kapaida.

Souleng kan, 1:70–71

Ekei aramas sohte kamelele me pileit ko mehlel. Joseph kapwaiada kekehlik en Kauno me e sohte pahn kasalehiong emen pileit ko. Kauno mahsani me e pahn mweidohng sounkadehde silemen en kilang pileit ko. David Whitmer, Martin Harris, oh Oliver Cowdery peidek ki ma re kak wia soun kadehde. Kauno masani me irail kak.

Doctrine oh Covenants 5:11–12; 17; Souleng kan, 1:73

Joseph, Martin, Oliver, oh David kohla nan tuhke kan. Irail kelehpwdi oh emen emen kin pekipeki rehn Koht ma re kak kilang pileit kan, ahpw sohte mehkot wiawi.

Souleng kan, 1:73

Martin Harris kehnda me ih me karehda arail kapakap o ah sohte pasapeng. Martin kokohla, ah meteiko wie kapakap te.

Souleng kan, 1:73

Eri tohnleng men pwarada nan marain ehu. E kasalehiong Oliver oh David pileit kohl ko oh inting me mih powe ko. Irail rong koapitien Koht ah masanih me Joseph kawewehdier pileit kan ki manaman en Koht oh kawehweo inenen pwung. Koht pil masanih me irail anahne padahkiong koaros dahme re kilang oh pil rongehr.

“Kadehde pen Irail Meh Silimen o”; Souleng kan, 1:73–74

Joseph kohlan rapahki Martin. E wie kapakap te. Joseph iang ih oh kapakap. Eri tohnleng men pwaredo oh kasalehiong pileit ko ong Martin, duwehte me e wiahng Oliver oh David.

Souleng kan, 1:74

Mwuri, Joseph kohlan diar ah pahpa oh nohno, me wie mwemweit rehn Mary Whitmer. E padahkiong irail ia wehn ah peren me ekei aramas iangehr kilang pileit ko. Met soun kadehde kan kak padahkiong aramas me Joseph memehlel. Martin padahkiong koaros ia wehn ah peren pwehki Koht ah mweidohng ih en iang wia emen soun kadehde ko.

Souleng kan, 1:74–75

Mwurin rahn ekei mwuri, Kauno padahkiong Joseph en kasalehiong pileit kohl ko ong aramas walimen—ah pahpa, rie pwutak riemen, rien David pwutak pahmen, oh an David mwah. Irail koledier pileit kan oh kin pahk seli. Irail ese me pileit kan mehlel.

“Kadehdepen Meh Walimen o ”; Souleng kan, 1:75

Kawewehn Pwuhk en Mormon imwseklahr. Joseph kapwurehiong tohnleng Moronai pileit kohl ko. Met ansoun katohtolahn Pwuhko pwe koaros en kak wadek oh esehla duwen Sises Krais.

{Souleng kan, 1:75–76

E inenen pweilaud en katohtola Pwuhk en Mormon. Martin Harris kihda ekis en sapwe pwe en pwainla. E wia met pwehki e ese me Pwuhk en Mormon mehlel. Koaros copy en pwuhk o kolokol kadehde pen Martin oh soun kadehde teikan ong koaros en wadek. Soun kadehde kan sohte kamahmkihla arail kadehde.

Doctrine oh Covenants 19:26–27, 34–35; Souleng kan, 1:76–78