“En Desideria Ouramano,” Soai kan nan Doctrine oh Covenants (2024)
“En Desideria Ouramano,” Soai kan nan Doctrine oh Covenants
1880–1886
En Desideria Ouramano
Kaweid sang Kauno nan Mexico
Desideria Yáñez kin mihmi nan Nopala, Mexico. Ehu pwohngo, Desideria ouramankihda kisin pwuhk ehu me pahn wiawihda nan Mexico City. E kahdaniki Voz de amonestación, de Ngihl en Kapar. Ansou me Desideria pirdahr, e esehiere me e anahne rapahkihda pwuhko.
Souleng kan, 2:477
Ahpw Mexico City me inenen doh, oh Desideria nohn mah pwehn wia soangen seiloak reireio E pehm me Kauno ketin kupwurki en rapahkihda pwuhko. Eri ih indahng nah pwutako, José, duwen ah ouramano. E pil kamehlele me pwuhko kesempwal. E indahngehr ah nohnohu me e pahn rapahkihda.
Souleng kan, 2:478
Ansou me José lelehr nan Mexico City, nan ahl koa inenen kediropw, katairong, oh diren aramas. Ia mwomwen ah pahn diar pwuhko nan soangen wasa me tohto aramas?
Souleng kan, 2:478
Mwurin rahn ekei, José tuhwengedi misineri men me adaniki James Stewart. James indahng me e wie kadkadoahke print da pwuhk ehu me kahdaniki Voz de amonestación.
Souleng kan, 2:478
José inenen perenda! E indahngehr James duwen en ah nohnohu ouramano. James kawehwehda me misineri kan kin doadoahngki Voz de amonestación pwehn kasukuhlihki aramas duwen Sises Krais oh ehu pwuken sarawi, me iei Pwuhk en Mormon.
Souleng kan, 2:478
Voz de amonestación saikinte kaneknekila, oh Pwuhk en Mormon saikinte kawehwehdi ohng lokaiahn Spanish. Ahpw James kihengehr José ekei pwuhk tohrohr oh doaropwe kei mehn sewese ih oh ah nohnohu esehla duwen Sises Krais, Pwuhk en Mormon, oh Mwomwohdiso kopwurpwurdohu.
Doctrine oh Covenants 90:11; Souleng kan, 2:478–79
José mwadangala imwehu rehn ah nohnohu. Ira onopiki pene rongamwahuo, oh ira esehier me e mehlel. Desideria peki misineri kan en kohdo pepdaisihala.
Souleng kan, 2:479
Desideria wia emen lih me keioun pepdaisla nan Mexico. José oh nah serepein iang pepdaisla.
Souleng kan, 2:479
Ansou Voz de amonestación nekier, José alehdi koapi 10 nein ah nohnohu pwehn kak ehukihong mehteikan nan Nopala. Sounpar kei mwuhr, ansou me Pwuhk en Mormon intingdahr ni lokaiahn Spanish, Desideria me tepin alehdi ehu koapi nan Mexico. E ese me Kauno ketin kahluwadohr ohng Sapwellime Mwomwohdiso kopwurpwudohu.
Doctrine oh Covenants 88:81, Souleng kan, 2:479