“Knight ko oh Mehteikan Pokonpene nan Saion,” Soai kan en Tepin Padahk oh Inou kan (2024)
“Knight ko oh Mehteikan Pokonpene nan Saion,” Soai kan en Tepin Padahk oh Inou kan
Tihsempe 1830–Ahkos 1831
Knight ko oh Mehteikan Pokonpene nan Saion
Peikiong malipilip en Kauno
Polly oh Sosep Knight kin kouson rehn ara peneinei nan New York. Ira ese mwahu Soukohp Sosep. Mwurin ara esehla rongamwahuo, ira pilada en iangala Mwomwohdisohu. Ni ansou me Kauno ketin peki rehn Souleng kan en mihla Ohio, Knight ko peikiong.
Tepin Padahk oh Inou kan 37; Souleng kan, 1:33, 94, 109–110
Knight ko inenen peren ansou me re lella Ohio. Leman Copley, towe mehlel men en Mwomwohdiso, nda me Souleng kei kak kouson nan sapwehu. Mie wasa itar en poadokehdi wahn sahpw oh kawada ihmw kan. Sosep Knight oh nah pwutangko doadoahk laud en kaunopada wasahn poadokehdi wahn sahpw ko.
Souleng kan}, 1:126–27
Ahpw rahn ehu, Leman wekidala ah madamadau duwen sapwehu. E solahr mwahuki Souleng kan en kouson nan sapwehu. E ndaihong Knight ko oh mehteikan koaros en kohkohla.
Souleng kan, 1:127
Souleng kan inenen pwunodada. Met solahr wasa me re pahn kouson ie. Irail peidek rehn Soukohp Sosep dahme irail pahn wia.
Tepin Padahk oh Inou kan 54; Souleng kan, 1:127
Kauno mahsanih me Souleng kat en kohla Missouri oh kawada Saion. Saion pahn wia wasa ehu me Sapwellimen Kauno aramas akan en kak kohpene ie. Nan Saion, irail pahn kawada tehnpas sarawi ieu wasa me irail pahn wiahda inou kesempwal akan, de inou ong Koht. E pahn ketin kapaihirailda ma irail pahn kolokol arail inou kan. Knight ko peren en kohla.
Tepin Padahk oh Inou kan 29:1–8; 42:30–36; 45:59–66; 54:6–9; 57:1–2; Souleng kan, 1:128
Ni Knight ko seiloklahng Missouri, Polly soumwahuda. Ah pwoud, Sosep, oh neira pwutak kan inenen pwunodiki me e sohte pahn mour werei. Ahpw Polly ndaihong ah peneinei me e men lel Saion mwohn ah pahn mehla. Ih me e keieu mwahuki sang soahng koaros!
Souleng kan, 1:128
Mwurin seilok reirei, Knight ko lella Missouri. Polly inenen kapingki ong Kauno pwehki ah kak momour lahu e lella oh kilang. Knight ko medewe me sahpwo kaselel. Irail ahneki pwoson me irail kak kolokol Sapwellimen Kauno kosonned en kawada Saion wasaho.
Souleng kan, 1:132
Souleng kan wia kapakap kesempwal ehu oh kadahneki sahpwo Saion, wasa me Sapwellimen Kauno aramas akan pahn kohdo ie. Soukohp Sosep kihdi takai ehu en wia mehn kilel ehu en wasa me poahsoan en tehnpaso pahn mihmi ie. Rahn kei mwuri, Polly mehla. Kauno ketin inouki me Souleng ko me kohdo Saion oh mehla pahn kommoaldi nanleng.
Tepin Padahk oh Inou kan 59:1–2; Souleng kan, 1:132–33