Pwihn en Israel

Souleng kan me mihmier nan Independence, Missouri anahnedahr sawas. Irail doadoahk laudehr pwehn kauwada Saion duwehte dahme Koht ketin kupwurkio. Ahpw ekei aramas nan kahnihmwo sohte mwahuki irail en mih mwo. Irail pwakih irailsang imwarail koa.

Souleng kan, 1:195

Sosep Smith ansouo mihmi nan Kirtland. E rongadahr dahme wiawihongehr Souleng kan nan Missouri, oh e pahtoukilahr. E kapakap pwehn ese dahme en wia. Kauno mahsanihong en rapahkihda isime kak iang ih kohla Missouri. Irail medemedewe me koapwerment en wasahu pahn sewese Souleng kan pwurehng alehdi imwarail kan.

Doctrine oh Covenants 103:1–2,11-20,30–34; Souleng kan, 1:195–96

Aramas meh 100 insenkihda iang ih. Soukohpo kahdaniki pwihn wet Pwihn en Israel. Irail perenkihda arail pahn kohla sewesehda Souleng kan nan Missouri.

Souleng kan, 1:97–99

Brigham Young oh kempoakepah Heber Kimball wia tohn pwihn wet. Pwutak pwulopwul men kahdaniki Wilford Woodruff kohdohsang New York pwehn sawas.

Souleng kan, 1:197–98

Pil ekei aramas patehngehr pwihno. Irail aluhkiher sounpwung ehu oh kotelahr pillap tehlap ehu kolahng nan Missouri. Irail pwangadahr oh weiweirekier. Alu reireio pil wiadahr ekei irail arail insensuwedkilahr. Irail anahnehte aluhkihla ansou reirei ehu pwehn lela nan kahnihmw en Independence.

Souleng kan, 1:200–201

Ni arail alialu kohla, lih emen likweriong irail. E indahier me ohl ekei kohkodohng kemeirailla.

Souleng kan, 1:203

Pwihn en Israelo uhdier nihpwong ehu pohn nahna ehu pohnangin pillap ehu. Ni arail kaunopadahr arail wasahn pweidio, ohl limen me dak pahs kei ahpw kodohr rehtail. Irail suweikiher me tohtohsang ohl 300 kei kohkohdo pwehn peiong irail. Tohto towehkan en Pwihn en Israelo salodahr. Sosep indahng irail en ahniki pwoson me Koht pahn ketin sewese irail.

Souleng kan, 1:203

Sohte pwand nan wehwe audaudkilahr depwek rotorot. Ketou laud tepidahr mwer. Pillapo loallahr. Kisiniengo poukidier tuhke kan. Nansapwe posehr nan wehwe. Sosep oh mehteikan diaradahr kisin imwen sarawi kis me irail kak seip loale. Erein pwohngo irail wie kokoulki koulen sarawi kan. “Koht ketiket nan melimelet!” Joseph indahier.

Souleng kan 1:203–4

Kisiniengo kauhdier aramas me men peiong irailkoa. Pwihno poadoandoaralahr. Ahpw koapwermento dene irail sohte pahn sewese Souleng koa. Kauno mahsanihong Sosep me Pwihn en Israelo kak samwalahr arail wasahkoa. Souleng kan anahne kauwada Saion sang ni kolokol sapwellimen Koht kosonned akan. E inoukihdier me E pahn “peiki mahwen kan en Saion.”

Doctrine oh Covenants 105:1–19; Souleng kan, 1:204–5

Ekei tohn pwihno insensuwedlahr ansou irail rongadahr met. Irail insensuwedkilahr arail sohte peiki Saion. Ekei aramas medewe me Pwihn en Israelo sohte pweida. Ahpw ekei tohrohr, soangen Brigham Young, oh Wilford, kapingki ansou mwahu en patehng Soukohp Sosep oh kasukuhl sang ih.

Souleng kan, 1:205–6

Mwuhr, Kauno mahsanihong Sosep Smith en malipe Wahnpoaron Ehkriemen pwe ren sawas kaweid Sapwellime Mwomwohdiso. Wahnpoaron koa pahn wia sounkadehde kesempwal kei ohng mwaren Sises Krais nan sampah pwon. Meh welimen sang nan Wahnpoaron Ehkriemenkoa iangehr mahs nan Pwihn en Israelo. Papahieng Sosep sawas kaunop irailohng malilip kesempwal wet.

Doctrine oh Covenants 18:26–27; 107:23; Souleng kan, 1:214–17