Soai kan en Pwuhk Sarawi
Hawn’s Mill

“Hawn’s Mill,” Soai kan en Doctrine oh Covenants (2024)

“Hawn’s Mill,” Soai kan en Doctrine oh Covenants

Octope 1838–Pepuweri 1839

Hawn’s Mill

Mwekid en pei iou oh ehu mwekid kopwuriamwei

Willard Smith oh ah peneinei nan Hawn’s Mill.

Willard Smith sounpar 11 ansoue. Ah peneinei kin mihmi nan Hawn’s Mill, Missouri, iangahki ekei Souleng kan. Ansou keren irail men iang Souleng teikan kohpene nan Far West.

Doctrine oh Covenants 115:7–8, Souleng kan, 1:347–48

Aramas kodohng peiong Souleng kan nan Hawn’s Mill.

Ehu rahno, William mihmi rehn ah pahpahu oh rie pwutak kan, Sardius oh Alma. Ni soh kasikpe, irail rongadahr kesikpos oh weriwer kan. Aramas kodohng peiong Souleng kan.

Souleng kan, 1:348–49

Souleng kan rukrukisang me pahn peiong irail kan nan Hawn’s Mill.

Koaros tang repen wasahn rukila. Tohto ohl oh serihkan rukilahr nan sdohwahn blacksmitho. En Willard pahpahu oh rie pwutak kan iang pidelong, ah Willard sohte iang irail. E rukilahr palio koaskoasuken tuhke ieu. E rongadahr posen kesik kan kapilpene Ih.

Souleng kan, 1:349, 353

Willard wie tangatang.

Willard tangasang ehu wasa kolahng ehu wasa pwehn rukila. Imwilahu, ngilen kesik koa uhdier. Me kodohng pei koa pwurasangehr Hawn’s Mill.

Souleng kan, 1:353

Willard nan sdohwahn blacksmitho.

Willard kodohng ni sdohwahn blacksmitho pwehn rapahki ah peneineio. Ah pahpahu oh Sardius kamakamalahr. Ahpw rien Willard sin pwutak tikitik o wie momourte.

Souleng kan, 1:353

Willard wouwa Alma rie pwutako.

Alma kesikdier nan pengepengehu. E inenen ohla laud. Willard pwokadahr Alma oh wahlahngehr ni arail impwalo.

Souleng kan, 1:353–54

Amanda Smith wie kapakapki nah pwutak Almahu.

En Willard nohnohu, Amanda, sehse dahme e kak sewesehki pengepengen Almahu. Ahpw e esehier me Koht me ketin wiahier. E kapakapehr, oh e rongadahr ngihl ehu me indahngehr dahme e pahn wia.

Souleng kan, 1:354

Amanda apwahpwalih en Alma ohlahu.

Amanda widenkiher en Alma ohlahu pehs kei. Ih eri sukpene kalowen tuhke kei oh kihong pohn ah ohlahu. Ih kidimkipene pengepengehu likou. “Wendi wia men, oh dehr mwekid,” e indahier, “oh Kauno pahn ketin wiahda ehu pengepengomw.”

Souleng kan, 1:354–55

Amanda wie kapakapki sawas.

Mwuri, kepina en Missouri o indahier me Souleng kan anahne kohkohla de irail pahn kamakamala. Ahpw pengepengen Almahu saikinte mwahula, Amanda kapakapehr oh peki rehn Kauno en sawas. Ngihl ehu indahng me Sises sohte pahn soikala ah peneinei. Amanda ahniki pepehm me sohte mehkot kak kamedekehla.

Doctrine oh Covenants 88:83, Souleng kan, 1:372, 378–79

Alma wie alialu mwurin pengepengehu ah mwahulahr.

Mwurinte ah kapakapehr, Amanda rongada nah serihkoa ahr wie weriwer. E tangalahn rapahkin irail, oh ansou me e diar irailehr, Alma wie tangatang seli. “I mwahu, Ino, I mwahu” e indahier. Pengepengehu mwahulahr! E wia mwekid kopwuriamwei ehu sang Kauno. Amanda oh nah serihkoa kohkohsang Missouri pwehn rapahkihda wasa mwahu rehn Souleng koa.

Souleng kan, 1:379