Peneinei en Martin

Helvécio Martins dindiraip kohla imwehu sang doadoahk nan Rio de Janeiro, Brazil. Wen ahlo ah direkihla sdohsa sohte me kak mwekid. Helvécio medewedahr mwomwen ah mour. E ahniki doadoahk mwahu. E inenen poakepoake ah pwoud, Ruda, oh nah seri riemeno, Marcus oh Marisa. Ahpw e ahniki pepehm me mie mehkot e sohte ahniki.

Souleng kan, 4:229–30

Helvécio pwedieisangehr nan sdohsahu oh tapiadahr kapakap. “Ahi Koht,” e indahier, “I ese me komw ketiket wasahkis, ahpw I sehse iawasa.” E indahng Sahm Nanleng me ah peneinei wie raparapahki mehkot, oh irail anahne Sapwellime sawas. Eri Helvécio pwurehng douda nan were sdohsahu oh kohkohla imwehu.

Souleng kan, 4:230

Mwuhr, Kauno ketin kadarala misineri kan sang United States. Irail mwamwaitih peneinei en Martins. V kasawihada me irail wadohng ngenen meleilei ong imwehu. E ese me, ni ansouo, aramas me kili toantoal kin pak tohto wiakau nan United States. E peidengki, “Ia mwomwen amwail palien lamalam kin apwalih me Toantoal kan?”

Souleng kan, 4:230–31

Misineri kan kawehwehda me sapwellimen Koht seri kan koaros kak pepdaisla. Ahpw nan ansouo, aramas Toantoal me arail keinek kohsang Africa sohte kak ahniki prihsduhd de alehdi pali tohtohn kapai kan en tehnpas sarawi. Helvecio ih Ruda pil ahniki peidek tohto. Misineri koa wia ara kak en sapeng ira.

Souleng kan, 4:231

Erein pahr tohto, soukohp akan kapakapkiher pwe ren ese ansou me kapai kan en prihsduhd oh tehnpas sarawi kak kohieng aramas koaros.

Souleng kan, 4:71

Helvécio oh Ruda medewehda irail en song kohla sarawi. Souleng koa wasahu me inenen poak oh kadek. Peneinei en Martins o mwahuki dahme irail esehlahr sang nan mwomwohdiso.

Souleng kan, 4:231–32

Ehu rahno, ni arail kohkohla imwarailo sang sarawi, Marcus indahngehr ah peneinei me e kilangadahr me irail mwomwen peren sang mahs. “I ese dahme wihwiahda met,” Marcus kosoiahier. “Sapwellimen Sises Krais rongamwahu o.” Koaros nan peneineio ese me Marcus pwung. Irail medewehda irail en pepdaisla oh kasarawihla.

Souleng kan, 4:232

Sounpar kei mwuri, Souleng kan nan Brazil kediropwkilahr wihwiahda ehu tehnpas sarawi. Peneinei en Martins inenen peren, pil ansouohte ahniki pahtou. Irail pahn sohte kak pidelong nan tehnpas sarawio mwurin ah pahn kasarawilahr. “Dehr pwunodiki,” Helvécio indahngehr Ruda. “Kauno ketin mwahngih soahng koaros.”

Souleng kan, 4:293–94

E sohte mengei irail en kolokolete arail pwoson. Aramas kin kepitiki peneinei en Martins. Pein kempoakepahrail kan sohte wehwehki dahme irail mihmihkihte nan Mwomwohdisoh. Ahpw Helvécio oh ah peneinei ese me e wia Mwomwohdiso en Sises Krais.

Souleng kan, 4:251–52

Ehu rahno, Helvecio pwuralahng imwarailo sang doadoahk, Ruda ahpw indahier, “Mie rohng, rohng kaperen!” Mwurin kaisihsol oh kapakap laud, soukohpo, Preseden Spencer W. Kimball, alehdier kaudiahl ehu. Kauno ketin mahsanihong me sohte lipilipil, menda koalor en kili, kak ahniki kapai koaros en prihsduhd oh tehnpas sarawi.

Pakair en Kamanaman Keriau; Souleng kan, 4:318–19

Peneinei en Martins o oh ekei me tohto awiawihkiher ansou reirei. Met ouiouo imwiseklahr! Helvécio ih Marcus alehdier prihsduhd o. Helvécio, Ruda, oh neira seri kan katengeteng penehr ni arail wia ehu peneinei nan tehnpas sarawio. Met irail kakehr alehdi kapai kan koaros en rongamwahuo.

Souleng kan, 4:319–21