Tohnleng Moroni pwarehng Joseph Smith

Sounpar siluh mwurin an Joseph Smith Keioun Kasansalo. Joseph insensued kihla sapwung kei me eh wiahda mwowehu. Eh kin medewe ia mwomwen an Koht pepehm ong ih.

Joseph Smith—Poadoapoad 1:28–29; Souleng kan, 1:20

Ehu pwohngo, ni ansou me koros meirehr, Joseph medewehda en kapakap. Koht ketin sapeng ah kapakap mwowe, oh Joseph ese me Koht pahn pilehu ketin sapeng ah kapakap.

Joseph Smith—Poadoapoad 1:29; Souleng kan, 1:21–22

Ni ansou me Joseph wie kapakap, marain apw kipehdi nan perehu. Joseph kilang tohnleng men ah wie keskesihnen nan wehwe limwahn ah pehto. Tohnlengo kosoia me ede iei Moroni. Koht me ketin kadaredo. Eh kosoia me Koht mahk ong ih, oh mie doadoahk ehu Eh kounop ong ih. Aramas koros pohn sampah pahn ese duen Joseph oh doadoahk me Koht ketkieng ih.

Joseph Smith—Poadoapoad 1:30–33

Moroni kosoia me mie pwuhk ehu me wiawihkihda teh kohl kei de plate kei. E seridi pohn nahna ehu limwahn imwen Josepho. Pwuhko pidada aramas akan me kouson nan America mahso. Irail kin ese duen Sises Krais oh Sapwellime rongamwahuo. Moroni kosoia me Koht pahn ketin sewese Joseph kawehwehdi pwuhko pwe aramas en kak wadek.

Joseph Smith—Poadoapoad 1:34, 46

Moroni pwarehng pak siluh pwohngo oh pil mandau. Joseph padakieng ah pahpau dahme eh kilang. An Joseph pahpau udahn peren. Eh padakieng Joseph me,“ Met kasansal eh sang Koht.”

Joseph Smith—Poadoapoad 1:35–50; Souleng kan, 1:22–25

Sosep kohla ni dohl ehu oh kilangada kohl pleit ko pahn takai toutou ehu. Ni ansou me eh dokelahng plate ko, eh medewe ia wehn pahn pweinen plate ko. Moroni pwurdo oh padahkieng Joseph me eh saik kak ale plate ko. Eh padakieng Joseph en kin pwurdo wasahu lau eh onopadahr.

Joseph Smith—Poadoapoad 1:51–54; Souleng kan, 1:25–27