Newel oh Ann Whitney Tuhong Soukohp Sosep

Ann oh Newel Whitney ahneki sidohwa ehu nan Kirtland, Ohio. Ann sohte kin kohla sarawi de ese mwomwen Kauno ni ah kekeirida, ahpw e men esehla Ih. Mwurin ih oh Newel ara pwopwouda, ira kin kapakap pak tohto pekipeki Kauno en ketin kahluwa ira.

Souleng kan, 1:111–12

Pwohng ehu ni ara wie kapakap, Ann oh Newel kilangada kaudiahl ehu. Nan kaudiahl wet, mwutun depwek ehu pwaindi pohn ihmwara. Ngehn en Kauno audehirada. Mwutun depweko kapil irapene. Re ahpw rongada ngihl ehu sang nanleng. E mahsenihong ira, “Kaunopada en alehdi mahsen en Kauno, pwe e wie kohkohdo.“

Souleng kan, 1:111

Mwurin ansou kis, Parley Pratt kohdo Kirtland. Ih oh kompoakepah kan padahngki duwen rongamwahu en Sises Krais. Ni ansou Ann rongada dahme irail padahngki, e ese me e mehlel. E pwurala ni ihmwarao oh ehukiong Newel rohngo. Mwuhr ira ahpw pepdaisla.

Souleng kan, 1:112

Mwurin sounpwong riau, ohl emen oh lih emen kohdo ni ahn Newel sidohwa. Newel sohte wehwehki ihs mwo, ahpw ohlo itik pehn Newel oh ekeriki Newel edeho. Ohlo koasoia, “Ngehi Soukohp Sosep.“ E kawehwehiong me Kauno sapsapeng ahn Newel kapakap ko. E ketin poaronehdo Emma oh Sosep rehn Ann oh Newel.

Souleng kan, 1:113

Newel oh Ann ese me ara kaudiahlo mehlella. Ira peki rehn Sosep oh Emma en mih rehra nan ihmwarao. Ann oh Newel poakohng Sises oh Sapwellime rongamwahuo. Ira kihwei soahng koaros me ira ahneki ong Souleng kan oh Sapwellimen Sounkomour Mwomwodisohu.

Tepin Padahk oh Inou kan 38:23–27, 34–42; Souleng kan, 1:114