Rahn en Kamwahu

Ansou me Sosep Smith oh kaun en Mwomwodiso teikan mihmi nan kalapwuhs nan Missouri, ekei soun silasil kan wahirailla ni ehu kalapwuhs torohr. Soun silasil pwukat inenen mwahu ong tohn kalapwuhs ko. Pwohng ehu, kaun en soun silasil ko ndahiong Sosep me e pahn meir, oh ma Sosep oh iengeh kan tang, e sohte pahn kauhdi irail.

Souleng kan, 1:392–93

Sosep oh kaun en Mwomwodiso teiko tangasang. Irail diarada arail peneinei kan kokouson nan kanihmw ehu adahneki Quincy.

Souleng kan, 1:395–96

Aramas nan Quincy kadek ong Souleng kan. Irail kihong Souleng kan mwenge oh likou pil iangahki wasahn kouson.

Souleng kan, 1:377

Souleng kan inenen kapingki kadek en aramas akan nan Quincy. Ahpw Sosep ese me re pahn anahne pein arail wasahn kouson. Kaun en Mwomwodiso kan pwainda sahpw ekei me sohte me men sapweniki, eri Souleng kan tapida pidelong loale.

Souleng kan, 1:399–400

Sahpwo karanih pihl lapala ehu. E inenen pwelmatak oh direki amwuse kan. Amwuse kan kahreiong Souleng tohto arail soumwahukida soumwahu me adaneki Malaria. Ekei mehla.

Souleng kan, 1:402

Ansou me Sosep kilang uwen aramas me soumwahu, e kihpene kaun kei en Mwomwodiso oh peki rehrail en iang ih kohla. Erein mensengo pwon, irail kohseli sang peneinei ehu ong ehu peneinei, pwarpwarek aramas soumwahu kan oh kapkapai irailda. Irail doadoahngki manaman en Sises Krais en kamwahuihala arail soumwahu kan.

Souleng kan, 1:402

Emen aramas me re pwarek iei Elijah Fordham. E inenen soumwahu, ah pwoudo medewe me e pahn mehla. Sosep peidek rehn Elijah ma e ahneki pwoson en mwahula.

Souleng kan, 1:402

Elijah nda,”I periki e nohn pwand.” Sosep idek rehn Elijah ma e kamehlele Sises Krais. ”Ei maing, Brother Sosep,” e sapengki,

Souleng kan, 1:402

Sosep kapaiada ih ni mwaren Sises Krais. Elijah kesihnenda. Sises kamwahuihala ih! Elijah ahpw idahwenla Sosep ong ni ehu ihmw oh sewese ih oh iang kapakapki aramas teiko me pil soumwahu.

Souleng kan, 1:402–3