Kohkohpene nan Ohio

Nan Ohio, diren aramas wie iangaiangala Mwomwohdiso. Kauno ketin mahsaniong Sosep Smith me Souleng kan me koukouson wasa teikan anahne kohpene nan Ohio. E pahn wia seilok reirei ehu. Ahpw Kauno ketin inoukihdi me mwurin arail pahn kohpene, E pahn ketin padahkihong Souleng ko Sapwellime kosonned akan oh kapaikinirailda manaman en wia Sapwellime doadoahk.

Tepin Padahk oh Inou kan 37; 38:32; Souleng kan, 1:109–110

Ahn Sosep nohno, Lucy, oh pwihn en aramas kereniong 80 me wia towe mehlel en Mwomwodiso kohkohlahsang ihmwarail kan nan New York oh kosoula Ohio. Irail iangada pwoht me pahn wahirail elep en arail seilok. Mwurin arail seilokier rahn kei, pwohto anahne uhdi. Ais mosul nan pihlo perehla wasahn arail tangatang.

Souleng kan, 1:121–22

Souleng kan anahne awih pwe aiso en kak pwalpeseng. Irail inenen pwangada, men mwenge. wisekesek, oh pil pou.

Souleng kan, 1:122

Inenen apwal en awih. Ekei Souleng kan tapiadahr akamaipene.

Souleng kan, 1:122

Lucy sohte mwahuki rongorong ahn Souleng kan akamai. E ese me e anahne koasoia mehkot. ”Ia amwail pwoson?” e peidengki. Lucy padahkihong Souleng kan ma irail pahn kapakap ong Koht, E pahn pwalangpeseng aiso pwe irail en douluhla nan arail seilok.

Souleng kan, 1:122–23

Mwadangete, irail rongada ngihl ehu me duwehte nan sapwe ah pwalangpeseng aiso. Ahl ehu pwarada nan aiso, me pil itar ong pwohto en kak duwala loale.

Souleng kan, 1:123

Souleng kan inenen pwuriamweiki oh pil kapingki. Irail kohpene en kapakap oh kalahngan ong Samatail Nanleng. Wererail pwohto eri seilokwei ni popohl ong Ohio.

Souleng kan, 1:123

Ansou me Souleng kan lelehr Ohio, towe mehlel kan en Mwomwohdiso kasamwo irail oh sewese irail en diar wasa me re pahn kouson ie. Kauno kolokolehr Sapwellime inou en padahkiong irail Sapwellime kosonned oh ketkihong irail manaman en wia Sapwellime doadoahk.

Tepin Padahk oh Inou kan 42; Souleng kan, 1:126