Susa Young Gates oh Joseph F. Smith

Susa Young Gates iei nein Brigham Young serepein. E ipwidier Utah oh keirdahr wasahu. E perenki inting, oh e perenki papah nan sapwellimen Kauno Mwomwohdisoh.

Souleng kan, 3:9–10, 64

Ni Susa ah laudehr, e soumwahudahr. E pekiher ehu kapai en prihsduhd Nan kapaio, Kauno mahsanihong Susa me E ketin kupwurki en wia doadoahk en tehnpas sarawi.

Souleng kan, 3:193–94

Mwurin kapaio, Susa kehlaildahr. E doadoahngkiher ah ansou kaskaskuhlki duwen poadepen ah peneinei. Ansou e kin diar tohn peneinei me melahr ahpw saikinte pepdaisla, e kin kohla ni tehnpas sarawi pwehn pepdais kin irailla. E perenki ehukihong aramas duwen doadoahk en poadepen peneinei. Me kansensuwed, tohto aramas sohte perenki.

Soulen kan, 3:194–95, 206

Ehu rahno, Susa pwarek kempoakepah Joseph F. Smith, Preseden en Mwomwohdisoh. Preseden Smith soumwahukiher wihk tohto kei. Susa esehier me e pil pahtou laud pwehki nah pwutak men melahr. E pil pahtouki soahng kei me wihwiawi nan sampah, me duwehte mahwen kan oh soumwahu kan.

Souleng kan, 3:197–99, 205–6

Ahpw ansou Susa mwohdehng Preseden Smith o, e perenkihda koaskoasoaieng. E indahngehr Susa me Koht ketkiongehr ehu kasansal kesempwal. E pidada sapwen ngehno, wasa aramas kin kohla mwurin arail mehla. Ah kasansalo intingdier pohn tehn doaropwe ieu. Preseden Smith kiongehr rehn Susa oh pekiher en wadek.

Souleng kan, 3:206–7

Susa wadekehr doaropwehu. E koasoaia me Sises ketin pwarekehr sapwen ngehno. E kadaralahr Adam, Eve, oh ohl oh lih pwoson teikan pwe ren kaskuhlihki ngehn akan me sohte alehdi rongamwahuo ansou irail momourte. Irail wie sewsewese ngehn pwukat kaunopada pwe aramas en kak pepdais kin irailla nan tehnpas sarawi.

Doctrine oh Covenants 138:11–19, 29–48, Souleng kan, 3:206–7

E udahn pwuriamweila ni ah wadekadahr en Preseden Smith kasansalo. Preseden Smith kouruhriong Ih. “Susa,” e inda, “ke wihwiawi doadoahk kesempwal ehu.” E indahngehr me e poakepoake pwehki ah pwoson Kauno.

Souleng kan, 3:206

Susa intingihdier duwen kaudiahlo nan nah ternelo. “Oh, e wia mehkot kansenamwahu ohng ie!” e indahier. E sohla kak awih pwehn indahng kempoakepah koa oh ekei tohn Mwomwohdiso duwen dahme e wadekehro. E esehier me en Preseden Smith kasansalo pahn sewese Souleng kan perenkihda en wia doadoahk en tehnpas sarawi ohng aramas mihmi nan sapwen ngehno.

Souleng kan, 3:207