“Wahnparon Ko wia ara Misin nan Great Britain,” Soai kan nan Doctrine oh Covenants Stories (2024)
“Wahnparon Ko wia ara Misin nan Great Britain,” Soai kan nan Doctrine oh Covenants Stories
Sulai 1838–Sulai1841
Wahnparon Ko wia ara Misin Nan Great Britain
Kopworopworiki sapwelimen Kauno Inou kan
Nan kaudiahl ong Joseph Smtih, Kauno eker Wahnparon akan Ong Nan wia dodohk en misineri Nan Great Britain. Mendahte ah inenen apwal Ong Joseph pwehki sang ni dolahn Wahnparon akan, e kopworopworiki Kauno. E pil apwal Ong Wahnparon akan en kokolahsang arail peneinei kan. Ahpw Kauno inoukiong irail me E pahn kapai irail da.
Doctrine and Covenants 118
Heber C. Kimball oh ah pwoud, Vilate, ahneki peneinei Pwulopwul ehu. Ira nainekier seri me sounpwong ehu. Pali tohto en Nan ara peneinei inenen soumwahu.
Souleng kan, 1:405
Brigham Young pil soumwahu, oh ah peneinei inenen semwehmwe. Ahpw an Brigham pwoud, Mary Ann, padahkieng, “Kohwei oh wia amw misin, oh Kauno pahn kapaiukada.”
Souleng kan, 1:404–5
Brigham tepier mwesel, ahpw ansou me e lel ni ihmwen Heber, e inenen luwet oh sohte kak alu. E kouson rehn an Heber peneinei rahn kei.
Souleng kan, 1:405
Mary Ann apwalih Brigham lahu Ih oh Heber kehlaildahr Ong ara Misin. Ira koaros inenen luwet, ahpw Ira men kalohki rongamwahu o.
Souleng kan, 1:405
Heber oh Brigham rahnmwahu ihla ara pwoud kan oh doula Nan kurumao. Ira insensuwediki ara mwesel ah ara peneinei inenen soumwahu oh semwehmwe. Ansou me kurumao kokohla, Heber padahkiong Brigham, “Met udahn apwal.” E men sewese ara peneinei kan en komwad. Heber padahkiong soun diraipih kurumao en Uhdi.
Souleng kan, 1:405–6
Sang Nan ihmwomw, Vilate rongada ngihl ehu. E kohdo ni wenihmw, wasa me Mary Ann kesikesinen ie. Irail kilang Heber oh Brigham kesikesihnen mwurin kurumao, oaloahle ara lisoarop kan Nan wehwe oh weriwerki, “Hurra! Hurrah! Hurra Ong Isrehl!” Lihoko pil sapeng, “Kaselel! Koht en kapaiada kumwa!”
Souleng kan, 1:406
Sang ni kot madau reirei me Ira wia, Heber oh Brigham lelehr Great Britain. Iangahki ekei Wahnparon kan, irail padahki aramas tohto duwen Sises Krais oh Sapwelime rongamwahuo o. Aramas kid kei pepdaislahr oh iangalahr Mwomwodiso en Sounkomouro.
Souleng kan, 1:408–11
Pali tohto en aramas me pepdaisla Nan Gteat Britian kohla Nauvoo pwe en sewese kawada wehi o iangahki Tehnpas Sarawio. Kauno kolokol the Sapwelime inou kan en apwalih peneinei en Heber oh Brigham ansou me re wiewia ara papah en misineri kei.
Souleng kan, 1:437–39