Soai kan en Pwuhk Sarawi
Telii kin Papah Kauno

“Telii kin Papah Kauno,” Soai kan nan Doctrine oh Covenants (2024)

“Telii kin Papah Kauno,” Soai kan en Doctrine oh Covenants

Epireil 1844–Mahs 1852

Telii kin Papah Kauno

Kaukauwada Mwomwohdisoh nan Tubuai

Telii oh mehteikan kilkilang misineri en Souleng en Imwin-rahn akan peidi.

Lih emen me adaniki Telii miher pohn deke tikitik ehu kahdaniki Tubuai. Misineri kan sang soangesoangen mwomwohdiso kan kinekei pak pwarek Tubuai, ahpw irail sohte kin mihmi ansou reirei. Ehu rahno nan pahr 1844, Telii perenkihda ah rongehr me misineri kan sang Mwomwohdiso en Sises Krais en Souleng en Imwin-rahk akan peidier pohn Tubuai.

Doctrine and Covenants 1:1; 133:8

Telii oh Nabota Luke misineri kan en mihmi rehra.

Misineri koa pahn kohla ni ekei deke laud koa. Ahpw aramas en Tubuai koa men irail en mihmi oh padahngki rongamwahuo. Telii oh ah pwoudo, Nabota, indahier me misineri koa kak mihmi nan imwarahu. Emen misineri koa, Addison Pratt, pwungkihda.

Souleng kan, 1:573–74

Telling ih Nabota ehukiheng misineri kan ehu tehpel en mwenge.

Telii ih Nabota ehukiheng Addison soahng koaros me mie ara. Ira padahkiheng en kak lokaiahki ara lokaia. Ira padahkihong ira duwen Sises Krais.

Telii wie pepdais ah Nabota kilkilang.

Ngehn Sarawio indahngehr Telii oh Nabota me sapwellimen Sounkomouro rongamwahu wet mehlel. Irail wia keioun aramas nanTubuai me pepdaislahr.

Souleng kan, 1:573–74

Telii oh mehteikan kalkalohngki rongamwahuo ohng aramas nan Tubuai.

Telii, Nabota, oh Addison wiahla kempoakepah kehlail ehu. Irail kin seiloak pene oh padahngki rongamwahuo nan Tubuai oh deke teikan. Ansou aramas songen indahng Souleng kan nan Tubuai me irail sohte konehng iangala Mwomwohdisoh, Telii kin padahk ohng irail sang nan pwuhk sarawi kan me Mwomwohdisoh mehlel.

Souleng kan, 2:27, 45

Telii, Nabota, oh ekei Souleng kan kokoul pene.

Telii men sewese ekei aramas nan Tubuai esehla rongamwahu en Sises Kraiso. E wiahiong pwuhk sarawi kan ohng koul oh lukehier pwihn tohto kei en iangih koul ni soutik kan. Kokoulki en Telii koulkan sewese aramas tohto esehla sang pwuhk sarawi kan oh taman dahme irail esehlahr.

Doctrine and Covenants 25:12

Telling oh ah peneinei kaskasamwoh en Addison peneinei.

Pahr ekei mwuri, ekei misineri kodohr Tubuai, iangahki en Addison peneinei. Telii kasamwoh irailehr ohng nan imwehu. E kin doadoahk ieng en Addison pwoud, Louisa, pwehn papah lih akan nan Tubuai.

Souleng kan, 2:133–34

Telii oh ah peneinei nanantihongete kalohngki rongamwhuo ohng mehteikan.

Mwurin ansou ieu, misineri kan pokousangehr Tubuai oh deke teikan. Ahpw Telii doulahte wie padpadakih oh kawkaweid Souleng koa. Pwehki en Telii karasaras oh papah, Mwomwohdisoh nan Tubuai kehkehlailte.

Souleng kan, 2:150–51