Pwihn en Sawas en Lih

Lih akan Nan Nauvoo papah Kauno

Margaret Cook oh Sarah Kimball kosokosoia duwen Tehnpas Sarawi me kokoudahr Nan Nauvoo.

Margaret Cook kin kouson Nan Nauvoo. E kin dodohk Ong Sarah Kimball, kin sawesehki deidei. Ansou me e kin dodohk, Ira kin mwahuki kosoia Tehnpas Sarawi me kokoudahr Nan Nauvoo. Ira inenen pereniki Tehnpas Sarawio.

Souleng kan, 1:447

Margaret kilangada me tohn dodohk kan en tehnpas Sarawio liklikawih likou tok kei.

Ehu rahno, Margaret kilangada me pali tohto en ohl akan me kaukauwada Tehnpas Sarawio likawih likou me tok oh me pil tei. E medewe ma Ih oh Sarah kak dodohkpene oh dehkada seht kapw Ong ohl akan. Sarah pereniki madamadau o. Ih oh Margaret kosoiong ekei lih duwen wiahda Pwihn en sewese tohn dodohk ko.

Souleng kan, 1:447–48

Joseph Smith tuhwong Margaret, Sarah, oh ekei lih pwe en kawada Pwihn en Sawas en Mwomwodiso.

Soukohp Joseph kosoia me Kauno inenen perenikihda arail madamadau o, oh E ahneki mehkot Ong irail me inenen pil mwahu sang. Joseph luhkeiong lih akan en tuhwong Ih ni March 17, 1842. Dodohngki manaman en prihstuhd, e kawadahr Pwihn en Lih en Mwomwodiso. Irail medewedahr en kahdaneki arail Pwihno Pwihn en Sawas en Lih en Nauvoo.

Souleng kan, 1:448, 450–51

Joseph peki rehn Pwihn en Sawas en sawas kouno0pada aramas akan Ong kapai kan en tehnpas Sarawi oh mour soutuk. Irail anahne wia karasaras mwahu en idahwen Sises.

Souleng kan, 1:451

Towe kan en Pwihn en Sawas weuwahdo mwenge Ong peneinei kan me anahne.

Joseph pil kosoia me Pwihn en Sawas anahne rapahkida aramas me semwehmwe oh sewese irail. Pihl iangahki lih akan me semwehmwe pil mwahuki sewese aramas akan me anahne.

Souleng kan, 1:449

Pwihn en Sawas pil soandier. Emma Smith lukwerdahr pwe en wia president men. E pilada nah soun sawas riemen, Sarah Cleveland oh Ann Whitney. E pil pilada sekteri, Eliza R. Snow.

Souleng kan, 1:450

Emma kaskasukuhlih lih akan Nan Pwihn en Sawas en Lih.

Kauno sewese Emma kapwaiada ah pwukoah. Emma padahkiong lih akan me re kak wia mehkot laud Nan papah Kauno. E mwahuki emen emen irail en rapahki ahl me rehn wia mehkot mwahu. Me keieu kesempwal, e padahkiong irail, en poakohng aramas teikan ni mwomwen Sises ah kin wia. Pali tohto en Lih akan Nan Nauvoo iangalahr Pwihn en Sawas en Lih et.

Doctrine oh Covenants 25:3, 7; Souleng kan, 1:451

Montage Illustration depicting Ong Ia mwomwen lih en Mwomwodiso ah sewesehda aramas kan Nan sampah.

Irail sewese aramas akan en kounopada Ong kapai kan en tehnpas Sarawi oh sewese peneinei tohto me anahne sawas Nan Nauvoo. Mwurin mwo, lih akan Nan sampah iangalahr Pwihn en Sawas en Lih wet. Irail doulahte sewese aramas akan oh sewese irail en alehdi kapai kan en tehnpas Sarawi.

Souleng kan, 1:451