Porausen Pukefel
Eu “Kouno” non Ghana

“Eu ‘Kouno’ non Ghana,“ Porousen Doctrine and Covenants (2024)

“Eu ‘Kouno’ non Ghana,“ Porousen Doctrine and Covenants

June 1989–November 1990

Eu “Kouno” non Ghana

Soposopono ne nikitu nupwen ekkewe Souneng rese tongeni chufengen

Alice Johnson me Hetty Brimah ra aporousa ewe kapas allim non Koforida, Ghana.

Alice Johnson a emon misineri a angang non fonuwan we, Ghana. A sani epwe aporousa an kapasen pwarata usun Jises Kraist me anisi ewe Mwichefen epwe marino.

Saints, 4:416–17

Alice me Hetty ra kaeo pwe rese chiwen tongeni afanafana ewe kapas allim.

Eu ran, Alice a angei ekkoch eniuokusun porous. Ewe muun non Ghana a apasa pwe esap chiwen wor mwichen Mwichefen. Misineri rese chiwen tongeni afanafan.

Saints, 4:417

Pwonis ra nom nukun eu imwen Fan mi kasipeno.

Pwonis ra fori misineri repwe no seni imwer me ra angei war pasiken. Ekkoch chon ewe Mwichefen ra katonong non imwen kanapus. Sounfiu ra esipano ekkewe imwen Fan me rese mutanong emon epwe tonong non. Aramas ra eita ngeni ei “ewe kouno.”

Saints, 4:417–18

Alice epwene no nonnom ren emon chienan.

Misineri ra no ngeni imwer. Alice a no nonnom ren emon chienan non pwan eu sopw. A oureki an esap chiwen awesano an misin.

Saints, 4:418

Souneng non Ghana.

Ekkewe Souneng non Ghana ra osukosuk, netipengaw, me nuokus. Ra ekieki ika met muan re fori. Repwe chiwen no no fan sefan?

Saints, 4:418

Souneng ra efisi mwichen sakrament non imw.

Inamo ika rese tongeni chufengen non ar kewe wart, ekkewe Souneng ir mi chiwen tongei ewe Samon me mochen fen ngeni I. Ra awora mwichen sakrament non imwer kewe. Chochon famini mi wor rer ewe pristut ra efeiochu ewe pinewa me konik me assawa ngeni meinisin chon ewe famini.

Doctrine and Covenants 6:32; Saints, 4:419

Afanafana ewe kapas allim fengen non imw.

Maram me maram, ewe kouno a soposopono. Ekkewe Souneng ra konu kon mi fel me kait fengen ewe kapas allim non imwer kewe. Ra churfengenir ar repwe sopweno ar nuku epwe pochokun. Ra eimueno ar eu-ne-engon ar repwe moni nupwen ra tongeni niwin ngeni fan. Ra iotek me echikipin pwe ewe kouno epwe wesino.

Saints, 4:436–37

Alice a pwan ketiw sefan an epwe angangen misineri.

Omuchunon, mwirin 18 maram, ewe government a finata pwe ewe Mwichefen a tongeni efisi sefani mwich. Emon minafon presetenin misin a tingor an epwe kapas ngeni Alice, ewe a emon chon sukun non college. “Ka mochen kopwe niwinsefanito me fori angangen eu misin mwirin sukun?” a eis. “Apw,” neminewe a apasa. “Ua mochen upwe angang iei!”

Saints, 4:437–39

Souneng non Ghana ra fiti eu mwichen Mwichefen.

Alice me ekkewe ekkoch Souneng ra fokkun pwapwa pwe ra tongeni no fan sefan. Non ewe aewin Raninfel mwirin ewe kouno, mwichen sakrament ra ukukun ru awa pokiten chommong aramas ra mochen apasa ar kapasen pwarata. Ra aporousa fengeni ifa usun ewe Samon a fen efeiochur me anisir ne sopweno ar nuku epwe pochokun.

Doctrine and Covenants 20:75; Saints, 4:438