Ewe Mwichefenin Jises Kraist a Foruta

Ewe Puken Mormon iei a wor, me an Kot we manamanen pritut apwan nom sefan won fonufan. Ewe Samon a ereni Joseph Smith a iei fansoun epwe foruta ewe Mwichefenin Jises Kraist.

Souneng, 1:84

Non April 6, 1830, usun 40 fefin me mwan ra feito ngeni imwen faminien Whitmer ar repwe forata ewe Mwichefen. Ewe samon a kori Joseph me Oliver repwe emweni An we mwichefen. Joseph me Oliver ra tingorei ekkewe aramas repwe eitieta pour ne pwarata pwe ir mi tipeew ngenir pwe ir nour souemwen.

Doctrine and Covenants 20:1–3; Souneng, 1:84

Mwirin, Joseph me Oliver ra efeiochu ewe sakrament. Ra ngeni aramas an epwe anisir ar repwe chechemeni Jises Kraist. Joseph me Oliver ra wata pour won mokuren ekkewe aramas rafen paptais. Ra epinireno pwe ir chochon ewe Mwichefen me ngenir ewe niffangen ewe Ngun mi Fel.

Doctrine and Covenants 20:75–79; Souneng, 1:85

Ewe Samon a ngeni Joseph eu porous usun ewe minefon Mwichefen. A erenir repwe maketiw met a fis non ewe Mwichefen. A apasa pwe Joseph Smith I Noun soufos. A pwon ngeni ekkewe chon ewe Mwichefen pwe ika ra aponueta ekkewe annuk A ngeni Joseph, Epwe efeiochur. Ewe tefin esap wor an nemenem wor.

Doctrine and Covenants 21:1–6; Souneng, 1:85

Ekkewe aramas ra fokkun pwapwa an a wor ar Mwichefenin Jises Kraist. Mwirin ewe chufengen, chommong aramas ra paptais, pachenong inen me semen Joseph kewe. Nupwen saman we a tou seni ewe konik, Joseph a turufi ne foropacheno. “Ua fen manau me kuna an semei we paptais non ewe mwichefenin Jises Kraist mi ennet“ a apasa.

Souneng, 1:86

Mwirin ena pwinin, Joseph a feino ngeni nein ewe ira an epwe chok anaemon. Netipan a uren pwapwa. A ukukun 10 ier mwirin an aewin kuna Samach won Nang me Jises Kraist. Chommong mettoch mi fis mwirin. Joseph a fokkun kinisou pwe a tongeni aninis ne eniwinsefanieto, ika eniwinato, an Jises Kraist Mwichefen.

Souneng, 1:86