“Eu Pwarata ngeni Emma,“ Doctrine and Covenants Tutunap (2024)
“Eu Pwarata ngeni Emma,“ Doctrine and Covenants Tutunap
July 1830
Eu Pwarata faniten Emma
Kefinita seni ewe Samon epwe fori An angang
Amen wate ekesiwin non manauen Joseph me Emma. Ewe Samon a apasa ngeni Joseph pwe epwe kouno ne kon ekiekin atake. Nge, Joseph epwe fori an fansoun ne asukuna aramas usun Jises Kraist me anisi fefeitan an ewe Samon we Mwichefen.
Doctrine and Covenants 24:7–9; Souneng, 1:96
A wor an Emma chommongun kapas eis ussun ei ekesiwin. Ese sinei met epwe fori nupwen Joseph a angang ngeni ewe Samon. Epwe pwan anisi ewe Samon me An we Mwichefen?
Souneng, 1:96
Ewe Samon a kapas ngeni Emma seni eu pwarata a kawor ngeni Joseph. A kori neminewe “Emma Smith, nei fopun.“ A apasa ngeni Emma pwe I a fini i me kori epwe fori An angang. I emon fefin mi auchea, me a wor mettoch mi murino A mochen epwe fori.
Doctrine and Covenants 25:1–3
Ewe Samon a tingorei Emma epwe fiti Joseph ne sai. Ewe Samon a apasa pwe Emma epwe awewei ekkewe pukefel me asukuna chon ewe Mwichefen. A ureni Emma epwe akomwa I non manauan me aponueta an kewe pwon mi pin. A pwon ngeni Emma pwe Ngunun epwe nonom ren. A mochen pwe i epwe kaeo, mamarita, me angei An kewe feioch.
Doctrine and Covenants 25:2, 6–10, 15
Ewe Samon apwan ureni Emma pwe A mochen epwe rong an Noun kewe semirit kon. A apasa pwe ekkewe kon an Noun kewe Souneng ra usun eu iotek ngeni I. A tingorei Emma epwe fori eu puken kon mine ekkewe Sounang repwe chufengen ne kon seni. Emma a kuna chommong murinon kon ussun ewe Samon me An we kapas allim me a ochufengenir non eu puken kon mi pin.
Doctrine and Covenants 25:11–12; Sounang, 1:221–22
Manauen Emma me Joseph a soposopono ne ekesiwin, nge Emma a sinei pwe ewe Samon a tongei me a wor an kokot fanitan. A angang ngeni ewe Samon me ekkewe aramas unukun. A anisi maritan an Jises we Mwichefen
Doctrine and Covenants 25:13–15; Saints, 1:221–23