“Telii a Angang ngeni ewe Samon,” Porousen Doctrine and Covenants (2024)
“Telii a Angang ngeni ewe Samon,” Porousen Doctrine and Covenants
April 1844–March 1852
Telii a Angang ngeni ewe Samon
Aueta ewe Mwichefen non Tubuai
Emon fefin itan Telii a nom won eu kukkun fonu itan Tubuai. Fan ekkoch misineri seni sokopaten fan ra churi Tubuai, nge napengeni rese kan nakatam ne nom. Eu ran non 1844, Telii a meseik an rong pwe misineri seni ewe Mwichefenin Jises Kraist ren Aramas mi Pin non Fansoun soponon ra tori Tubuai.
Doctrine and Covenants 1:1; 133:8
Ekkewe misineri ra no ngeni ekkoch ekkewe watten fonu. Nge ekkewe aramas non Tubuai ra mochen ir repwe nomwetiw me afanafana ewe kapas allim. Telii me punuwan we, Nabota, ra apassa pwe ekkewe misineri mi tongeni nom non imwer we. Emon me nein ekkewe misineri, Addison Pratt, a tipew ngeni.
Saints, 1:573–74
Telii me Nabota ra aea fengen ar mettoch meinisin ngeni Addison. Ra aiti i ne kapas kapasen fonuer. Addison a aitir usun Jises Kraist.
Ewe Ngun mi Fel a ureni Telii me Nabota pwe an ewe Chon Amanau we kapas allim mi ennet. Ir ekkewe akkomwen aramas non Tubuai ra papatais.
Saints, 1:573–74
Telii, Nabota, me Addison ra winiti mi chiechioch. Ra sai fengen me afanafana ewe kapas allim non Tubuai me ekkoch fonu. Nupwen ekkewe aramas ra sossot ne ureni ekkewe Souneng non Tubuai pwe resap choni ewe Mwichefen, Telii a aitir seni ekkewe pukefel pwe ewe Mwichefen mi ennet.
Saints, 2:27, 45
Telii a mochen anisi pwan ekkoch aramas non Tubuai ar repwe kaeo ewe kapas allimen Jises Kraist. A wanong pukefel non kon me etiwa watten mwicheich ar repwe fiti ne kon nekunion. Ar konu an Telii kewe kon a anisi chommong aramas repwe kaeo seni ekkewe pukefel me chechemeni met ra kaeo.
Doctrine and Covenants 25:12
Ekkoch ier mwirin, pwan ekkoch misineri ra feito ngeni Tubuai, mi pachenong an Addison famini. Telii a etiwer ngeni imwan. A angang ren punuwen Addison we, Louisa, an epwe angang ngeni ekkewe fefin non Tubuai.
Saints, 2:133–34
Mwirin och fansoun, ekkewe misineri ra echimw ar repwe no seni Tubuai me ekkoch fonu. Nge Telii a chok sopweno ne afanafan me emweni ekkewe Souneng. Pokiten an Telii nenien appiru me angang, ewe Mwichefen non Tubuai a chok pochokun.
Saints, 2:150–51