“Elijah Able,” Porousen Doctrine and Covenants (2024)
“Elijah Able,” Porousen Doctrine and Covenants
1838
Elijah Able
Eu misin ren nuku me pworacho
Ewe Samon a kori emon mwan itan Elijah Able epwe emon misineri. Elijah a asukuna Eunice me Charles Franklin usun ewe kapas allimen Jises Kraist. A urenir usun ewe Puken Mormon me ewe Soufos Joseph Smith. Eunice me Charles ra nuku met a asukuna me mochen fiti ewe Mwichefen. Elijah a paptaiser.
Souneng, 1:316
Elijah a no epwe afanafan pwan non ew sopw. Eu pwin, ekkoch mwaram mwirin, i a tanei chienan we Eunice. Non ewe tan, Eunice ese chiwen nuku pun ewe Puken Mormon pwe mi ennet me Joseph Smith emon soufos. Nupwen Elijah a neno, a mwitir a niwin ngeni Eunice.
Doctrine and Covenants 75:27; Souneng, 1:315–16
Eunice a mairu ne kuna Elijah ren asaman we! A pung an Elijah we tan: Eunice ese chiwen nuku non ewe Puken Mormon ika Joseph Smith.
Souneng, 1:317
Elijah a aisini Eunice epwe ette rongorong an asukun ren ewe sukun. Nupwen neminewe a rong an Elijah kapas, a mefi ewe Ngun mi Fel sefan. A sinei pwe ewe kapas allim mi enlet!
Souneng, 1:317
Elijah a pwonei Eunice epwe niwin sefan non ruu wik an epwe afanafan sefan. Nge ekkoch aramas non ewe sopw rese mochen i epwe niwin sefan. Mwirin Elijah a no, ra poputa ureni meinisin pwe Elijah a nieno aramas. Ra awora moni ngeni ion a kuna i.
Souneng, 1:318
Eunice a sinei pwe aramas ra mwaken usun Elijah. I ese nieno emon. I emon aramas och me emon chon kuno noun Kot. I a sinei pwe ar chofona esap akauno Elijah seni an epwe niwin sefan me asukun non sopwur we. Eunice a ureni ekkewe aramas pwe Elijah epwe niwin sefan. “Kot epwe tumunu i,” a apasa.
Souneng, 1:318
Elijah mi niwin. A niwin ngeni ewe pwan sukun ian a pin afanafan iei akkom. A uruno ren aramas ekkewe ra mochen i epwe kanapus. Elijah a utah mwen ekkewe aramas. I a apasa ika ra mochen repwe aresini, repwe aresini iei, me mwen a poputa ne afanafan. Ika resap, repwe mut ngeni epwe afanafan.
Souneng, 1:318
Ese wor ion a mokut. Elijah a utiwit, nge ewe pwin aramas ra mwomwot non mosonoson. Elijah a konu eu kon mi fel, apasa eu iotek, me asukuna ewe kapas allimen Jises Kraist. Ewe manamanen Kot a nonomw ren. Mwirin awes ne asukun, a poraus ngeni chienan kewe Eunice me Charles me sopweno an misin non kinamwe.
Souneng, 1:319