Ewe Faminien Martin

Helvécio Martins a wunteng ngeni imwan seni an angang non Rio de Janeiro, Brazil. Ewe aan a ur ren taraku minne ese wor me neir a tongeni mwokut. Helvécio a ekieki usun manauan. A wor an angang mi och. A tongei punuwan we, Rudá, me noun kewe ruemon semirit, Marcus me Marisa. Nge a mefi usun och mettoch ese nom.

Saints, 4:229–30

Helvécio a tou seni ewe taraku me poputa ne iotek. “Ai Kot,” a apasa, “Ngang mi sinei pwe en mi nom ekis, nge use sinei ian.” A ureni Samach won Nang pwe an famini a kukkuta och mettoch, me ra mochen an aninis. Mwirin Helvécio a tosefaninong non wan we taraku me sa ngeni imwan.

Saints, 4:230

Mwirin, ewe Samon a tinano misineri seni Merika. Ra churi ewe faminien Martin. Helvécio a apareni pwe ra wato eu kinamwein ngun non imwan. A sinei pwe, atun ewe fansoun, aramas ren unucher mi chon rese kan ketiwoch me non Merika. A eis, “Ifa usun om namanam a kan etiwa mi Chon?”

Saints, 4:230–31

Ekkewe misineri ra awewei pwe meinisin noun Kot semirit mi tongeni papatais. Nge ren ena fansoun, aramas mi Chon fiti ar neuo seni Africa rese tongeni omochu ewe pristut ika angei meinisin efeochun tempel. A pwan chommong an Helvécio me Rudá kapaseis. Ekkewe misineri ra fori ar tongeni ne ponuwenir.

Saints, 4:231

Ren chommong ier, soufos ra iotek ar repwe siniei inet efeiochun pristut me tempel repwe tongeni kawor ngeni meinisin aramas.

Saints, 4:71

Helvécio me Rudá ra finata ar repwe sossot ne no fan. Ekkewe Souneng ra men tong me kirekiroch. Ewe faminien Martins ra sani met ra kaeo non fan.

Saints, 4:231–32

Eu ran, ar no neim seni fan, Marcus a ureni an famini pwe i a apareni pwe usun ra kon pwapwa. “Ua sinei met a efisi,” Marcus a apasa. “Ewe Kapas Allimen Jises Kraist.” Unusen ewe famini mi sinei pwe Marcus a pung. Ra finata repwe papatais me kapunguno.

Saints, 4:232

Ier mwirin, ekkewe Souneng non Brazil ra osukosuken kouetan ewe tempel. Ewe faminien Martins ra meseik, nge ra pwan netipengaw. Resap tongeni repwe tonong non ewe temple mwirin a wes efeiochun. “Kosap ourek.” Helvécio a ureni Rudá. “Ewe Samon mi sinei mettoch meinisin.”

Saints, 4:293–94

Ese mecheres ar repwe soposopono ne nikitu. Aramas ra kapas turunufas fan iten ewe faminien Martins. Pwan mwo chiener kewe rese weweiti pwata ra nomwetiw non ewe Mwichefen. Nge Helvécio me an famini ra sinei pwe ina ewe Mwichefenin Jises Kraist.

Saints, 4:251–52

Eu ran, nupwen Helvécio a etto non imwan seni angang, Rudá a apasa, “A wor ai porous, amawararen porous!” Mwirin chommong achikipin me iotek, ewe soufos, Preseten Spencer W. Kimball, a angei eu pwarata. Kot a ureni pwe meinisin, ese nifinifin enuwen inisir, ra tongeni angei meinisin feiochun ewe pristut me ewe tempel.

Official Declaration 2; Saints, 4:318–19

Ewe faminien Martins me chommong ekkoch ra awitiwit non fansoun nakatam. Iei ewe awitiwit a wesino! Helvécio me Marcus ra angei ewe pristut. Helvécio, Rudá, me nour kewe ra riri fengen non ar we famini non ewe tempel. Iei ra tongeni angei meinisin ekkewe feiochun ewe kapas allim.

Saints, 4:319–21