Mary me Caroline Rollins

Mary Rollins a ier 12 nupwen ekkewe misineri ra aewin churi Kirtland, Ohio. I a rong ar fosun ewe Puken Mormon. Non ena fansoun, a wor eu chok kapin ewe puk non Kirtland, me ewe meinapen ewe Mwichefen itan Isaac Morley a kamoch.

Mary a feino ngeni imwan Brother Morley ewe me tingor epwe kuna ewe puk. Brother Morley a mut ngeni epwe kamoch. Mary a ais ika mi tongeni uwei ngeni imwan.

Brother Morley ese mochen ngeni Mary noun ewe kapin ewe puk. I ese mo aneani unusen. Mary tingorei Brother Morley epwe mut ngeni i epwe paro.

Brother Morley a tipeew. A ara Mary a tongeni uwei ewe puk ngeni imwan ika I epwe aniwini sorotan nesosorun ewe ran. Mary a isoni usun eu pisek auchea. A nena unusen ewe pwin ne anea.

Nupwen Mary a aniwini ewe puk, Brother Morley a mairu ren ukukun met a fen aneani. “Nei” a apasa, “angei ei puk me awesi ne aneani. Ngang mi tongeni utiwit.”

Mary i ewe akkomen aramas non Kirtland ne aneani unusen ewe Puken Mormon. Mwirin an wes aneani, i a churi ewe Soufos Joseph Smith. Nupwen I a sinei ukukun an Mary sani ewe Puken Mormon, a apasa pwe a tongeni nouni noun Brother Morley we kapi. I epwe ngeni Brother Morley pwan eu.

Mwirin ena ier, Mary me an famili ra mokut ngeni Independence, Missouri. I a pwapwa ne katon nupwen meinapen Mwichefen ra poputa ne apacha fengeni eu minafon puk a iteni Puken Annuk. Ei puk epwe annomu ekkewe chomong kapasen porausen Jises Kraist a ngeni Joseph Smith.

Doctrine and Covenants 67; 70:1–4; Souneng, 1:178

Nge ekkoch aramas non Independence rese sani ewe Mwichefen. Ra mochen ekkewe Souneng repwe mokut. Eu ran, ekkewe mwan mi song ra sonanong non ewe nenien for kapi ikkewe ewe Puken Annuk a nomw ie. Ra monei u ekkewe pisekin for kapi non asamacho me aparasha kapin ewe Puken Annuk won ewe an.

Souneng, 1:177–78

Mary me pwin, Caroline, ra katon met a fis me nukunupen ewe tit. Mary a ureni Caroline pwe a mochen angei ekkewe kapin me mwen repwe ngaweno. Caroline a nuokusiti ekkewe mwan mi song. “Repwe ni kicheno,” a apasa. Nge Mary me Caroline ra sinei pwe ekkewe peich ra mak kapasen Kot wor.

Souneng, 1:178

Ekkewe pwipwi ra uti tori an ekkewe mwan rese kuner. Iwe ra sa ngeni ewe an me angei chommong peich ren ukukun ra tongeni kamochuno. Nupwen ra mwitir su, ekkoch mwan ra kuner me puchur ngenir repwe kauno. Mary me Caroline ra kamochunukuno ekkewe peich me mwitir sanong non ewe ataken corn.

Souneng, 1:178–79

Ruemon mwan ra tapwerenong non ewe ataken corn. Ekkewe corn ra kon tam, Mary me Caroline rese tongeni kuna aner. Ra aturaretiw nepun me oppa ekkewe toropwe fan inisir. Ra auseningoch nupwen ekkewe ruemon mwan ra feino nein ewe corn me kutter.

Souneng, 1:179

Mwirin ekkewe mwan ra fangeta. Mary me Caroline ra ngaseno. Ra isoni ekkewe peichen an ewe Samon pwarata ren ewe Puken Annuk. Ikenai ekkewe kapasen pwarata a nom non ewe puken Doctrine and Covenants.

Souneng, 1:179