Jane Manning a Sai ngeni Nauvoo

Jane Manning me an famili ra nom non eu neni ekkoch aramas rese sanir me ngaw ngenir pokiten anuwan sinir. Eu ran, Jane a rongorong emon misinari a asukun. A sinei pwe an kapas mi enlet. Ewe Ranifel mwirin, i a paptaised.

Souneng, 1:500–501

An Jane famili ra pwan fiti ewe Mwichefen. Ewe Samon a mochen ekkewe Souneng repwe chufengen non Nauvoo. Jane a tongei ewe Samon. I me an famili ra mochen nom ren ekkewe ekkoch Souneng. Iwe ra poputani ar sai ngeni Nauvoo.

Doctrine and Covenants 124:25; Souneng, 1:501

Fen pekin ar sai, ra sai won mwota. Napengeni aramas won ewe mwota ra tongeni moni niwinir nesoponon ewe sai. Nge ekkoch aramas ra ureni an Jane famili repwe moni nepoputan ar sai. Ese naf nour moni. Ekkewe mwan ra urenir repwe tetiw seni ewe mwota, me ra susenir.

Souneng, 1:501

An Jane famili repwe sai ukukun 800 mien, ika 1,300 kilometer. Ra fetano epekin eu anononun pupu ese wor pirisan. Ra mour nukun. Ewe asapwan a pat iteiten. Nge Jane famili ra achocho repwe tori Nauvoo. Ra amweirar pusin ren kon nupwen ra fetan.

Souneng, 1:501, 505-6

Jane me an famili ra fetan me fetan tori nour kewe sus ra kam me pecher ra metek. Nge nupwen ra iotek ngeni Kot ren aninis, I a achikara pecher.

Souneng, 1:505

Ra anisi ekkewe aramas ra churir won anen ar ewe sai. Ra pwan anisi ne achikara emon semerit mi semwen pokiten ar nuku.

Souneng, 1:505–6

Amuchunon, Jane me an famili ra tori Nauvoo! Ra pekus me a nomot repwe asoso non eu neni. Iwe ra no non imwen Emma me Joseph. Nupwen Joseph a rong met a fis ngenir, a ureni Jane, “Kot epwe efeiochuk. Ka nomw nein chiechi iei.” Joseph me Emma ra etiwa Jane epwe nom rer.

Souneng, 1:506