Chommong Apupunu

Nupwen ewe Soufos Joseph a kaeo ewe Paipen, a anneani usun soufos usun Abraham me Moses ekkewe ra fen apupunu ngeni nap seni emon punuwer. A chommong an Joseph kapaseis. Iwe a finata epwe iotek me eisini ewe Samon.

Doctrine and Covenants 132:1; Saints, 1:121, 503

Ewe Samon a apasa pwe napengeni emon mwan epwe chok emon punuwan. Nge fan ekkoch ewe Samon a annuku emon mwan pwe epwe apupunu ngeni nap seni emon punuwan. Ei a iteni Chommong apupunu. Ewe Samon a ureni Joseph pwe Noun aramas repwe chok nom non chommong apupunu ika I a annuku ngenir.

Jacob 2:27–30; Doctrine and Covenants 132:34–39; Saints, 1:121, 290–91, 489–90, 503

Fitu ier mwirin, ewe Samon a ureni Joseph me ekkoch ekkewe Souneng pwe repwe nom non chommong apupunu. Ese mecheres ar repwe manaueni ei annuk.

Saints, 1:290–91, 444–46

Ewe government a fori ekkoch annuk pwe esap wor chommong apupunu. Ekkoch Souneng, mi pachenong souemwenin Mwichefen, ra katonong non imwen kanapus.

Saints, 2:501–4

Non 1890, ewe Samon a ureni Wilford Woodruff, ewe Presetenin ewe Mwichefen, pwe mwan resap chiwen apupunu ngeni nap seni emon punuwer. Ekkewe souemwenin Mwichefen ra atoura ei annuk ngeni ekkewe Souneng. Iei chok pwan an ewe Samon annuk ikenai—emon mwan esap apupunu ngeni nap seni emon punuwan.

Wesetan Esinesin 1; Saints, 2:598–601, 607–9