“Ewe Faminien Jackson,” Porousen Doctrine and Covenants (2024)
“Ewe Faminien Jackson Famini,” Porousen Doctrine and Covenants
May–November 1856
Ewe Faminien Jackson
Eu sai fiti nuku me eu angasa
Mwirien ewe akkomwen mwichen Souneng ra feinno ewe Salt Lake Valley, ngeroun pwan ekkoch Souneng ra pwan feinno. Ra sai nakatam, me ewe Samon a anisir. Eu famini minne a fori ewe sai in ewe faminien Jackson. Ra suseni imwer non England me ra mwasangasang ne no anisi ekkewe Souneng ne aueta Zion.
Doctrine and Covenants 136:1–11; Saints, 2:222–23
Ekkewe Jackson ra feinno epek ewe sat won efoch sipw. Iwe mwirin ra fiti efoch train kinikinin ewe an ngeni ewe Salt Lake Valley. Repwe fetan ren unusen ewe sai.
Saints, 2:222–23
Ra fori efoch kukkun kuruma an epwe uwei aner mwongo, ufer, me pwan ekkoch mettoch ra mochen uwei. Chommong Souneng ra touroch ngeni ewe nemonun chuk non ei napanap.
Saints, 2:223–26
Elizabeth me Aaron Jackson ra etekini war kuruma mi chou. Nour semirit, Martha, Mary, me Aaron Jr., ra fetan. A eu angang weires. Ra epinukunuku pwe repwe tori ewe nemonun chuk me mwen fansoun patapat. Nge nupwen ewe fansoun mwen patapat a feito, ir mi chiwen towaw seni ikewe repwe no ie. A poputa ne patapat, me epwene iteno aner mwongo.
Saints, 2:223–26, 229, 231–32
Non Salt Lake City, Brigham Young a sinei usun ekkewe Souneng ekkewe repwene feito ngeni ewe nemonun chuk. A aureki ussur. Ewe ran mwirin non fan, a ureni meinisin pwe ekkei Souneng ra nom non osukosuk. A urenir repwe amwosowa woken ren mettoch epwe namot ngeni ekkewe Souneng. “Feinno me wato ekkena aramas,” a apasa.
Saints, 2:229–30
Fefin non ewe mwich ra pwiniti nour sitakin mi manun me warenong non ekkewe woken. Ekkoch ra fangeno aner mwongo, sus, me uf. Ru ran mwirin, nap seni 50 mwan me 20 woken ra su seni ewe nemonun chuk ar repwe no aninis.
Saints, 2:230
Nupwen ewe faminien Jackson ra soposopono ne fetan, a poputa ne pung snow. Aaron a fokkun semwen. A weires ngeni an epwe fetan. A namot ngeni ekkewe Souneng repwe feino epek ewe patekichin chonupupu, me ei a fori an epwe napeno an Aaron apwangapwang. Ena pwinin, Aaron a mano. Netipengawan, an famini repwe soposopono nge esap chiwen fitir.
Saints, 2:232–34
Ewe sosoran mwirin, watten snow a nom won ewe puun. Ekkewe Jacksons me pwan ekkoch Souneng ra pusei me etekini war kuruma non ewe snow. Ra iotek iteiten ran pwe Kot epwe anisir.
Doctrine and Covenants 136:29; Saints, 2:234–35
Eu pwin, Elizabeth a aureki usun noun kewe semirit. Ra fokkun echik me pat. Repwe tori ewe Salt Lake Valley? Neminewe a mour me tan pwe a kuna Aaron. Atewe a apasa, “Kopwe pwapwa, Elizabeth.” A ureni pwe aninis epwene war.
Saints, 2:235–36
Aaron mi pung. Mmwitir chok, ekkewe mwan seni Salt Lake ra war fiti war woken. Ra ngeni ekkewe Souneng mwongo me uf. Ekkewe Souneng ra pwapwa me takir me turufano ekkewe mwan. Ra konu echo kon mi fel me kinisou ngeni Semer won Nang ren an ponuweni ar iotek.
Doctrine and Covenants 136:28; Saints, 2:236
Nupwen ra tori ewe nemonun chuk, a Raninfel. Brigham Young a ureni ekkewe chon ewe Mwichefen non Salt Lake City pwe me nukun ar no fan, repwe ne etiwa ekkewe Souneng ra wareto. Ra etiwa ekkewe Souneng mi pat me pekus me etiwerenong repwe nom non imwer kewe.
Saints, 2:239–40