Porausen Pukefel
Ewe Relief Society

“Ewe Relief Society,” Tutunapen Doctrine and Covenants (2024)

“Ewe Relief Society,” Tutunapen Doctrine and Covenants

March 1842

Ewe Relief Society

Ekkewe fefin non Nauvoo ra angang ngeni ewe Samon

Margaret Cook me Sarah Kimball ra kapas usun ewe minafon tempel a kauta non Nauvoo.

Margaret Cook a nom non Nauvoo. A angang ngeni Sarah Kimball, a anisi ren pekin tete. Nupwen a angang, ra sani ne kapas usun ewe tempel a kauta non Nauvoo. Ra pwapwa ren ewe tempel.

Souneng, 1:447

Margaret a apareni pwe ekkewe chon angangen ewe tempel ra ufouf mesin uuf.

Eu ran Margaret a apareni pwe chommong ekkewe mwan ra aueta ewe tempel ra ufouf mi mes me kamw. A aureki ika i me Sarah ra tongeni angang fengen ne tei minafon sech fan iten ekkewe mwan. Sarah a sani ewe ekiek. I me Margaret ra kapas ngeni ekkoch fefin usun ar repwe fori eu mwich ne anisi ekkewe chon angang.

Souneng, 1:447–48

Joseph Smith a mwich ngeni Margaret, Sarah, me ekkoch ar repwe fori ewe Relief Society an ewe Mwichefen.

Ewe Soufos Joseph a apasa pwe ewe Samon a pwapwa ren ar we ekiek, me a wor ren och mettoch fan iter mi fen murino. Joseph a etiwa ekkewe fefin ar repwe mwich fengen non March 17, 1842. Aean mumutan pristut, i a etetteni ekkewe fefin non ewe Mwichefen. Ra finata repwe eita ngeni ar we mwich ewe an Fefin Relief Society non Nauvoo.

Souneng, 1:448, 450–51

Margaret a kapas ngeni ruemon fefin.

Joseph a eisini ewe Relief Society ar repwe anisi aramas repwe monneta ngeni ekkewe feiochun ewe tempel me manau ese much. Repwe nenien appiru usun chon tapweno mwirin Jises.

Souneng, 1:451

Chon ewe Relief Society ra wato mwongo ngeni eu famini mi osupwang.

Joseph a apasa pwe ewe Relief Society repwe kutta aramas ekkewe mi woungaw ar repwe anisir. Pwan mwo fefin mi osupwang ra mochen anisi aramas mi woungaw.

Souneng, 1:449

Ewe Relief Society epwene foruta.

Ewe Relief Society a foruta. Emma Smith a kokko ngeni an epwe ewe preseten. A kokkori ruemon chon aninis, Sarah Cleveland me Ann Whitney. A pwan kokkori emon seketeri, Eliza R. Snow.

Souneng, 1:450

Emma a osukuna fefin non ewe Relief Society.

Ewe Samon a anisi Emma epwe apwonueta wisan. Emma a aiti ekkewe fefin pwe ra tongeni fori mettoch mi napanap me non ewe angangen ewe Samon. A mochen emon me emon ir repwe kuta anen ar repwe fori mettoch mi murino. Akkauchean, a erenir, pwe repwe tongei ekkewe aramas usun Jises a tonger. Chommong fefin non Nauvoo ra choni ewe Relief Society.

Doctrine and Covenants 25:3, 7; Souneng, 1:451

Eu tettenin sasing ra pwarano ifa usun ekkewe fefin non ewe Mwichefen ra fen anisi aramas non ewe fonufan.

Ra anisi aramas repwe monneta ngeni ekkewe feiochun ewe tempel me anisi chommon famini ekkewe mi osupwan non Nauvoo. Seni ena fansoun, fefin non unusen ewe fonufan ra fen choni ewe Relief Society. Ra sopweno ne angang ngeni aramas me anisir repwe angei feiochun tempel.

Souneng, 1:451