An Desideria Tan

Desideria Yáñez a nom non Nopala, Mexico. Eu pwin, Desideria a tan usun eu kukkun puk a for non Mexico City. A iteni Voz de amonestación, ika Mongungun Ourour. Nupwen Desideria a neno, a sinei pwe epwe kutta ena puk.

Saints, 2:477

Nge Mexico City a tawaweno , me Desideria a kon chinnap an epwe no won ena nakatamen sai. A mefi pwe ewe Samon a mochen i epwe kutta ena puk. Iwe a ureni noun we at, José, usun ewe tan. Atewe a nuku ewe puk mi pwan auchea. A ureni inan we pwe i epwe kutta ewe puk fan itan.

Saints, 2:478

Nupwen José a tori Mexico City, ekkewe aan a men aosukosuk, akurang, me ureno ren aramas. Ifa usun i epwe tongeni kuna ewe puk non eu atiepachen neni?

Saints, 2:478

Ekkoch ran mwirin, José a churi emon misineri itan James Stewart. James a apasa pwe a angang won forun eu puk itan Voz de amonestación.

Saints, 2:478

José a fokkun pwapwa! A ureni James usun an inan we tan. James a awewei pwe misineri repwe nounou Voz de amonestación ar repwe aiti aramas usun Jises Kraist me eu minafon puken pukefel, ewe Puken Mormon.

Saints, 2:478

Voz de amonestación esamo wes, me ewe Puken Mormon ese mwo chiakunong non Spanish. Nge James a ngeni José ekkoch pwan puk me toropwe an epwe anisi i me inan we repwe kaeo usun Jises Kraist, ewe Puken Mormon, me ewe Mwichefen mi niwinsefan.

Doctrine and Covenants 90:11; Saints, 2:478–79

José a mwitiriti neimw ngeni inan we. Ra kaeo fengen ewe kapas allim, me ra sinei pwe mi ennet. Desideria a tingorei ekkewe misineri repwe etto papataisei.

Saints, 2:479

Desideria i emon me nein ekkewe akkomwen fefin ra papatais non Mexico. José me noun we nengin ra pwan papataias.

Saints, 2:479

Nupwen Voz de amonestación a wesino, José a angei 10 kapin fan iten inan we an epwe nounou ngeni ekkoch non Nopala. Ekkoch ier mwirin, nupwen ewe Puken Mormon a katou non Spanish, Desideria i ewe akkom aramas non Mexico an epwe angei eu kapi. I mi sinei ewe Samon a emweni i ngeni An Mwichefen mi niwinsefan.

Doctrine and Covenants 88:81; Saints, 2:479