Osukosuk non Missouri

Apochokuna nuku non fansoun efeiengaw

Ekkoch aramas non Independence ra song an Souneng wareiti Independence.

Chommong Souneng ra war repwe nom Independence, Missouri. Ewe Samon a mochen repwe auweta ewe Zion ikewe. Nge ekkewe Souneng me ekkewe aramas ra fen nonomw non Independence rese chiecioch. Rese tipeew fengen usun chommong mettoch. Ekkoch aramas non ewe sopw ra song me mochen fori ekkewe Souneng repwe suu.

Doctrine and Covenants 57:1–3; Souneng, 1:171-74

Meinap non Independence ra churi Edward Partridge.

Edward Partridge i ewe Pisop non Independence. I a fiti ewe mwich ren meinapen ewe sopw. Ra ara ekkewe Souneng repwe tou seni Independence. Pisop Partridge a sinei pwe Kot a mochen ekkewe Souneng repwe auweta Zion non Independence. I a ara pwe ekkewe Souneng rese tongeni no.

Souneng, 1:176

Ekkewe mwan mi song ra atai imw me teniimw.

Mwan mi song ra ataietiw imw me teneimw ekkewe Souneng ra auweta.

Souneng, 1:177–78, 182

Mwan ra turufi Edward Partridge me Charles Allen.

Ekkewe mwan ra uwei Pisop Partridge me pwan emon mwan itan Charles Allen seni imwer. Ra atekini ekkewe ruemon mwan ngeni nukanapen ewe sopw.

Souneng, 1:79

Edward me Charles ra pwonuno non konta me ununen machang.

Pisop Partridge a apasa, “Ika upwe riaffou faniten ai namanam, ina epwe kukkun seni met ekkoch weri me mwei.” Ekkewe mwan ra tinatiw Pisop Partridge me Charles ngeni ewe pun. Ra nip ngenir konta mi pwichikar me ununen machang won unusen inisir.

Souneng, 1:179–80

William McLellin, emon chon ewe Mwichefen non Independence, a rong met ekkewe aramas mi song ra fori. I a nuokus me sanong nein ekkewe petewon pwe epwe op.

Souneng, 1:182

William akan ekieki met epwe fori ika a ono.

William akan ekieki met epwe fis ika ekkewe mwan mi song ra kuna i. Ika i epwe ara pwe ewe Puken Mormon mi enlet, ika mo ra sossot repwe angei manauan fanitan?

Souneng, 1:182–183

Oliver Cowdery me David Whitmer ra kuna William.

Chienan William Oliver Cowdery me David Whitmer ra kuna i nein kewe ira. William a sinei pwe Oliver me David ra nuku ewe Puken Mormon. Emon chon nang a fen pwari ngenir ekkewe seleichen gold. “Ureniei,” William a aisinir, “mi enlet ewe Puken Mormon?”

Souneng, 1:183

Oliver me David ra apasa ar kapasen pwarata ngeni William.

Oliver me David ra ereni William pwe we Puken Mormon mi ennet. Ra apasa ina mo ika ekkewe mwan mi song ra sossot ne angei manauwer, ir resap kauno ne pwarata ar kapasen pwarata ngeni ekkewe aramas. “Uwa nuku kemi,” William a apasa.

Doctrine and Covenants 17:3–6; Souneng, 1:183